لكن يا جماعه ام ياسمينا وين صارت طلتها علينا قليله وهي الاساس

ام ياسمينا والله لج وحشه...

بروحي غبت فتره و ادري انس غلطانه ماخبرتكم بغيبتي و قطعت فجاه..

بس صدقووني وحشتوني كلكم..

ام ياسمينا..لولا موضوعج ماتجمعنا....

جزاج الله كل خير...

مشكورة يام حمد على السؤال..والله انا هاليومين مشغوله لان عندي صديقتي من البحرين جايه وطول اليوم معاه وبالليل ارجع البيت وهي موجودة في بيت اهلي...
بالنسبة للسواقه...انا اهلي مايرضون..بس كانوا موافقين لما كنت ادرس في البحرين لكن انا كنت اخاف وماتدربت...ولحد الحين انقهر لما تلف علينا وحدة لان على طول نعرف ان وحدة اللي تسوق...احس النسوان مايعرفون يسوقون...
بس تدرون اتحسف لما اسافر..لان في السفر(خصوصا اوروبا) تكون عندنا سيارة لكن لما يكون زوجي عنده شغل انا اروح في تاكسي لاني ماعرف اسوق وادفع لي على المشوار 80 ريال واتم السيارة مركونه في الفندق لحد مايرجع
او حتى لما يكون في اجازة في اوقات مثلا يكون مطعم او محل بس مافي جدامه بارك ولازم نلف ومانوقف يقول لي الحين لو انتي تسوقين كان نزلت وانتي خذتي السيارة..
بس هذا مايمنع اني اوافق ان المراءة تسوق لان في بنات وايد ظروفهم صعبه ومايقدرون يجيبون سواق او ظروفهم تمنع وجودهم مثل انهم ساكنين في شقه او ملحق في بيت اهل الزوج او لما يكون الزوج مريض مثل زوج صديقتي لان عنده غسيل كلى يوم وترك يعني مايقدر يسوق ويكون تعبان فاضطرت تسوق عشان تجيبه..

ام صلوحي سالت عنج العافيه حبيبتي..بس ماقلتي لنا وين سافرتي؟؟

هلا بنات
ودي اودي حصوصتي :04: :baby2: و اخوها :22: :booo: مكان فيه sand box وين اروح ؟