جرحي عميق..العفو..بس الصراحة ماعرف عن المدفاءة لاني اعرف انهم يشترونها جاهزة من محلات الاثاث..بس مرة كنت عند محل اصباغ مسوي مثل المدفاءة بس هو صبغ وكان شكله حلو...اصلا كان مسوي مثل الحجر بعد وقلت له هذا شو؟قال لي معجون مع صبغ ولو شفتيه تقولين حجر والمحل في شارع المنصورة اسمه سوبر ديزاين

بنات اللي كلموني عشان البزار والحلاوة....بكرة ان شاء الله بطرش لكم كلكم...لان هاليومين انا شوي تعبانه وعندي الم في ارسي شديد ولا قادرة اطلع من البيت والمشكلة سواقي جديد ومايعرف المناطق..يعني ماقدر اعتمد عليه.....فكلكم اليوم بالليل بطرش لكم رساله على اساس بكرة الاغراض تكون عندكم

أم ياسمينا :
ما تشوفين شر عزيزتي ,,, ان شاء الله خير ؟

ام حصة مشكورة والشر مايجيج..بس لان من يومين جاني خبر عن واحد توفى شاب وعنده 4 عيال كلهم صغار سنه و3 و6 و8...والوفاه كانت طبيعية وامس واحد بعد من اهله توفى..يعني بينهم يومين بس...واصلا انا كانت عندي حاله وفاه من فترة...وسمعت عن وحدة من اللي درسوا معاي ان فيها مرض خطير وهي في العناية.. وواحد بعد في العنايه عمره27 وكان بيتزوج وصادته 3 جلطات ورا بعض وبدون سبب..
يعني تعرفين هذا كله واتذكر اخوي بعد اللي توفى.فحاسه اني تعبانه وعندي الم شديد في راسي من كثر التفكير...صج ان محد منهم يقرب لي بس كفايه تسمعين ان شخص مات مادري شيصير فيني اتم تعبانه فترة الله يرحمهم ويرحم المسلمين..

بنات ابي اسالكم عن القرية التراثية..شفت صور في الجرايد بس مادري هذي ووين؟؟ وايش فيها؟؟وتستاهل الواحد يتعنى لها؟؟الصراحة انا تعبانه وحاسة اني ابي اغير جو ومابي مجمعات ولا مطاعم...

تذكرت يا بنات !
وحدة مدحت لي مكان في الرويال بلازا يسوي ( أظافر ) ...
أم ياسمينا ... ما ادري اذا تذكرينها صاحبته وحدة في الجامعة اسمها " مها النعيمي "