السلام عليكم ورحمة الله وبركاته
حبيبتي ام يا سمينا ما تشوفين شر علشان ينشرح صدرك روحي بر او بحر لو تقعدين في السياره وريحي اعصابك ولا تشيلين هم شي وتذكري انها كلها اقدار الموت الحياه واكثي من الاستغفار وسيشرح الله صدرك الله يحفظك من كل شر
حبوبتي الغاليه وندش اذكرك انه اسمه نمص وليس تنظيف الصالونات سمته تنظيف وهو محرم وطرد من رحمة الله اختي الحبيبه راجعي نفسك فما اردت لك الا الخير
اختي بنت الكويت
لكم غلا يتبع الحال بالحال تسوون كل الطوايف والبلاد
هلا بالكويت عد ترابها وثراها لها كل التراحيب صغارها وكبارها
يوم افترقنا بين دوحه وكويت اعيال عم واهل وقرايب
سمحيلي اخويتي ثرا انا مب شاعره
اختي ام حصه
نسيتي ان تضيفي هديتي لهدايا المواليد والزواج الشغل افضل من المحلات ولا علشان شغل هل قطر ما يعجب لازم الي يسوونه غير لازم نشجع المواهب القطريه خصوصا اذا كانت مميزه ولها اسم في السوق كل الناس تعرف هديتي وجزاك الله الف الف الف خير الله يخلي لك حصوصي الحلوه
الغاليه جرحي عميق سلامي لك وللوالده واله يطمنكم على اخوك وتذكري ان كل هم نؤجر عليه
اخواتي للجميع السلام اختي انيقه وينك ماتبينين عسى المانع خير الناس مشغولين مع امتحانات عيالهم الله يوفق عيالكم ويوفق حمد حبيب القلب

أم حمد القطرية
راجعي صفحة 129 و تلقين ما يسرك ان شاء الله , وشغل بنات البلد فوق راسي والله !

اختي الغاليه ام حصه تسلمين يا حبيبتي رفعتي معنوياتي الله يجزيك كل خير

مساء الخير :26:

شخباركم يا بنات؟ :27:

يعطيج العافية يام حصة :26:

وما تشوفين شر يا ام ياسمينا :26:

والله يقوم اخوج بالسلامة ان شاء الله ياجرحي عميق :26:

وما تشوفون شر :26:

مرحبااااا بنات..

أم حصة تسلمين والله يعطيج العافية على الجهد.. والله وحده غيرج ماتسوي اللي سويتيه.. وانا دفتري كله مخربط.. الحين باسوي برنت اوت وباحتفظ فيه علشان ماتختلط المعلومات.

أم ياسمينا..
الله يرحم جميع الموتى.. والموت حق.. ادري يكدر الواحد.. بس حاولي ماتسمعين الاخبار الحزينه ان كنتي جذي حساسة.. والحين كلش الواحد مايسمع اخبار حلوة لا اله الا الله.. الاخبار الموحلوة اكثر.. الله يرحمنا كلنا انشاللة.. وماعليج شر انشالله.

جرحي عميق
الله يشافي اخوج يااارب.. ويطلعة بالسلامة ويفرح وتفرحون به وبشبابه.. والله يحمي ويسلم جميع الشباب اللي بهالسن الصغيرة..

أم حمد القطرية..
ان كنتي تقصديني.. والله انا ناوية باجر الاحد او الاثنين اني ارجع.. لكني كل ما اذكر ولد اختي مدري شيصير فيني.. اقول بعد باقعد الى الثلاثاء.. مع اني بارجع ايي على 20 ابريل يمكن.. لأن زوجي عنده سفره.. "وياكثر السفرات" والله لو يكون مو جريب ولادتي جان رحت وياه..

بصراحة الشهر الثامن ملل.. ابي اولد بسرعة.. ابي اشوف بنتي.. ومن زمااااااااااااااااان وانا حامل.. دايما نسمع الوحدة حامل والا ولدت.. وانا من زماان حامل وليملحين ماولدت.. وايد تعبت.. وباقي شهرين..
يالله اليوم عندي موعد مع الطبيبة اللي راح تولدني انشالله.. وباشوف البنوتة ترفس فيني..

اشتقت للدوحة ولبيتي.. لكن شنسوي بعد.. الله كاتب علي.. اجي البحرين اشتاق لزوجي ولبيتي.. ارجع الدوحة اشتاق لهلي وامي وابوي.. شقاء في الدنيا.. الله كاتب وهذا قدري ما اعيش مرتاحة والكل حوالي.. الا اذا فتحو الجسر.. لأني استثقل روحة الطيارة.. طلعي وقعدي وانتظري.. وتعالي انتظري شناطج.. ملل.. الجسر اي وقت بتروحين وتردين على راحتج.. حتى لو بنفس اليوم..

الله يسهل انشالله ويسوون الجسر.