مرحبا حبوباتي.. جرب الويك اند.. مو جنه هالاسبوع مشى بسرعه؟؟ اول مرة من 8 شهور احس ان اسبوع مشى بسررعه.. خخخخخخخخخ..

وبالنسبة عن رايي في الهدية.. أختارها على الشخص اللي انا ماخذتها له, يعني اختي او بنت عمتي او زوجة واحد قريبي او هدية تعارف..
اولا احط بدجت معين مابين السعر الفلاني والسعر الفلاني.. وبعدين اشوف شنو اهي المناسبة..
لأن الهدية تعكس شخصيتي على ما اظن وتعكس ذوقي..
يعني لازم تكون حلوة جني ماخذتها لي.
ولازم تليق بالمناسبة اللي انا رايحة لها.
وما ارضى احد غيري يشتريها لي.. لازم انا اللي اشتريها. واختارها عشان بتعكسني انا.
وبالنسبة الى هل المهم ماذا قالو عنها او كيف يستفاد منها.. انا بالنسبة لي الاثنين. لأن مهم شيقولون عن الهدية حلوة او لا.. راقية او لا.. فكرتها حلوة او عادية.. ومهم ايضا كيف يستغلونها وكيف يستفيدون منها..
الا اذا كانت هدايا التوزيعات.. فما تهتمين الا للشكل وايش راح يقولون عنها.. لأنهم ماراح يستفيدون منها.. وما افكر اسوي توزيعات للاستفادة..
مثلا توزيعات التخرج, توزيعات الزواج والحفلات, توزيعات الولادة. ياكلون الكاكاو اللي فيه وخلاص.

انتو ايش رايكم.. وايش رايج انتي يا ام حمد القطرية؟

روزاليندا..دكتور مها بعياده الدوحه ممتاااازة..بس عليها زحمممه..الصبح فاضيه شوي..

ام حمد القطريه..انا عن نفسي في اختيار الهدايا..احب اهدي شي اتوقع ان لو احد اهداني اياه استانس علسه و استخدمه..
واايد احتااار في اختيار الهديه...والف وادووور قبل ماختار..
و لو احد عزيز علي و قريب مني ما يهمني تحديد الفلوس..
اما لو حد بعدي احدد مبلغ معين و اشوف شي على قده..

اختي قمر الحلوه
طبعا مثل ما قلتي انا اعتبر الهديه جزء مني وهو موضوع صعب يضطرني اقعد بالساعات ادور هديه مبتكره وعمليه يستفاد منها
في رائي الخاص ان نتحرر من فكرة باروح مستشفى اشتري شكلاته مسده واشفايدتها
حسن اختيارك للهديه تدل على شخصيتك
طبعا الهديه افضل من التوزيعات الا اذا كانت اشياء مفيده مثلا ناس تسوي ورد مجفف ،زعفران ،عود مطيب ، اشرطة محاضرات لنشر الخير ،اشرطة قران ،بعض الناس توزع مصاحف صغيره ما تقرا ما يجوز لان المصحف كتاب الله الهدف من القراءه
ممكن تسوين بطاقات عليها ابيات شعر فيها ترحيب بابنتك على فكره بنتك وشبتسمينها

المنهاج..مبروك الحمل..

بنات ايش احسن جهاز لابتوب ؟؟؟

ابي اشتري جهاز لاختي هديه...

مب شرط انه يكون صغير..بس ابيه يكون كامل المواصفات

ام صلوحي مشكورة على ردج عن نادي الدانه بس ياريت تقولين لي اكثر عن النادي الدبلوماسي..وايش هي التسهيلات اللي عندهم للاطفال..؟؟يعني في بركة سباحة او مكان للالعاب؟؟وايش رايج بنادي الدوحة؟؟اذا في حد مشترك هناك ياريت تقولون لي اذا زين او لا وايشض الاشياء اللي فيه؟؟؟؟؟
بنات بسوي حفله لولدي الاسبوع الجاي وافكر اسويها في منظقه البرك اللي في الستي سنتر لاني سويت له من قبل في جنغل زون وهالمرة ابي اجرب مكان جديد خصوصا ان مافي حد سوى هناك من قبل...بس ابي منكم افكار للحفله لو سمحتوا ايش ممكن اسوي للاطفال؟؟
هم اعمارهم راح تترواح بين 2-8سنوات وطبعا بنات واولاد