ام حمد

تسلمين على المجهود ويعطيج الف عافية

بس عندي ملاحظة واتمنى ما تزعلين او تاخذين على خاطرج..بس الهدف التطوير والله يعلم اني ما ابي غير مصلحتج

لا تحطين كراكيش على اطراف السلال صارت قديمة والشغل حلو وايد ومرتب بس خليه انعم من جذي شوي يعني خففي التزيين شوي
والناس هالايام تدور على الشغل البسيط والناعم وكل ما كان التغليف انعم تطلع الهدية افخم
والهدية الوردية وايد حلوة بس لو حاطه شي غير بدل الكراكيش او من غيرهم تطلع احلى
وبدل الوردة الكبيرة اللي في الطرف حطيتي ورود صغار تطلع احلى
ويعطيج الف عافية على المجهود الرائع وتسلم يدج
وما شاء الله عليج
فنانه في كل شي

الاخت(أم حمد القطريه)
تسلمين عالنصائح والكلام الرائع واللي رووعه هو السلال اللي مسويتهم يجننوون....
مس( بيوتر فلاي)
مشكوره على التوضيح بخصوص المركز التدريبي ...
(أم صلوحي)
موفقه ان شاء الله .......

أم حصة اي والله وانتي صاجه.. انا هم يبطون جبدي.. اهلي كانو يحطون لنا كيس بالسيارة.. وانا من يوم صغيرة ماعرف ارمي اي شي بالشارع.. احس انه شي مو طبيعي.. وهذا كله من التعليم من وحنا صغار.

اليوم رحت المسرحية مافي هالبلد الا هالولد.. وتونا يايين منها.
اقول لكم اهي مو حلوة وايد.. بس هيا الشعيبي تسوي جو.. كلش مخرخشة حدها ويهبل تخرخشها.. تذبحني من الضحك.. وهم أحمد جوهر هم حلوة شغلاته.. لكن النص ضعيف.. ولولا هذوله الاثنين جان المسرحية سخييييفة وبايخة.
والشي اللي ماعجبني انه الشباب اللي هناك الله يحفظهم واايد يعلقون ويقطون كلام بين النصوص.. يعني انتو يايين تشوفون او تبرزون مواهبكم العجيبة؟؟ مع ان الامن والمراقبين قاعدين يسكتونهم.. بس يتخيل لي هالشي مو حضاري ابدا.. ويأثر على المجتمع. اهمه كانو يهال.. لأن مايسوي هالشي الا الياهل.
والشي الثاني انهم سيدة قامو وجنهم رايحين السينما.. مايعرفون يفرقون بين المسرح وتفاعلهم معاه وبين السينما.. بطو جبدي.. يعني الممثلين مساكين يايين في النهاية يشكرون والا يتفاجئون بالناس كلها قايمة.. وين التحضر؟؟ والله فشله جدام الاوادم..

اختي ام حصة تره مو بس انتي اللي عطيتي محاضرات.. هم انا جني زدتها وقعدت احجي واعطي محاضرات.. خخخخخخخخخ
:)

السلام عليكم ورحمة الله وبركاته
صباح الورد والياسمين صباح المسك والعنبر
اصبح الورد اصبح ومن يشتري الورد يربح
هذي الكلمات من انشوده اللوليين يغنونها على عيا لهم يوم كانوا هم يربون مب الخدامات
اليوم السبت سؤالي ما دور الخادمه في حياتك ،ماحدود مسوليتها ،هل تحددين لها الاكل ولا تاكلين على مزاجها ،ما دورها في تربية ابناؤك ،هل لها اتصال مستمر معهم هل تعتبر الام البديله ،هذا الطفل الذي نحرص على ادخاله احسن مدرسه احسن ملابس ،فاعطيه انا احسن ما عندي ،اسئله اطرحها في هذا الصباح لمراجعة النفس
لتكوني انت الملكه المتوجه في بيتك ،فلا تتنازلي عن عرشك للاخرين

صباح النور

ام حمد القطرية شحالك

هلا اخواتي كلكم بدون استثناء
عساكم على القوة

Miss:ButterFly
هلا ، ، عندي رقم مسادة في المطار
بس عليه خووووس مسااااد
اذا بغيتي الرقن