الغاليه لؤلؤ
تبغين تشوفين التوزيعات في المنتدى ص 51 وص152 وغيره كثير بس ما اصور كل شي

توتة البنوتة..
انا الحمدلله زينه.. وبنتي هم زينة بس امها مستعيلة عليها وتبي تولدها بسرعة..
بالنسبة للصالون.. انا وايد عجبني.. وهو راقي بعد.. وخدمتهم راقية..
انا سويت اوريانتال تريتمنت لليد بـ 180 ريال اعتقد.. وهو عبارة عن منيكيور وتقشير لليد ومعالجة بالزيوت والماسك تحت الجهاز الحراري.
ورجولي بس سويت لهم بديكيور وايد عجبني.. اكثر من اليد.. يمكن اللي سوت لي البديكيور اشطر اسمها سول.. واللي سوت ايدي نسيت شسمها.. العتب على الحمل ترة وااايد انسى.. والبديكيور جنه بـ 80 ريال.. او اقل.. والله نسيت..

الحلوة من الدوحة..
انا لو مكانج هم رحت لها.. لأن اهمه يحترمون ديننا.. واحنا هم المفروض نحترم دينهم..
حتى ان الشيخ يوسف القرضاوي نعى البابا.. وأكد الاخلاق النبيلة التي يتحلى بها الاسلام والصفات الرفيعة التي يتميز بها المسلمون.. وهالكلام مكتوب اليوم بجريدة الوطن.

وبالنسبة للاختلاط يابنات..
لاتعتبروني بحرينية ومتعودة على هالجو.. صج وايد غير بين البحرين والدوحة.. لكن الاشغال في قطر وبما انها دولة محافظة ماتسوي اختلاط بالمكاتب.. يمكن الاغلب مايسوون هالشي.. وترة الاختلاط بكل مكان.. يعني اذا احنا قعدنا في بيتنا وسكرنا على نفسنا الباب علشان الرياييل والاختلاط.. عمرنا ماراح نسوي شي بحياتنا.. حتى النساء ايام الرسول كانو يطلعون ويشتغلون.. وحتى بالسوق هم اختلاط.. الشارع اختلاط.. الحياة كلها رجل وامرأة.. لكن الوحدة منا لازم تصون نفسها وتحترم نفسها بالشارع.. والشغل وكل مكان.
هذا رايي..

مرحبا بنات

مشكورين على الرد وتوني الحين بعد مسكره من عند الدعوة والارشاد بصراحه قالوا لي ما يجوز بس القرضاوي اتصلت فيه عن طريق ناس يعرفونه معرفة شخصية وقالي مافيها شي لان الرسول وصانا عليهم وعلى حسن الجيرة معاهم وان نفرح لفرحهم (بما معنى هالكلام يعني) وان مسألة الحساب والعقاب عند رب العالمين مش عندنا ....
الحين انا اسمع حجي الدعوة والارشاد وإلا حجي القرضاوي
على فكرة اتصلت في الشخص الي كلمني في الدعوة والارشاد وقلت له الشيخ القرضاوي يقول مافيها شي تدرون ايش قالي كان متناقض وايد قالي بالحرف الواحد (معلش يابنتي انتي تئدري تروحي تعملي الواجب ومتشركيش باي حاجه يعملوها) قلت له اكيد مااشارك بأي شي انا قبل كل شي مسلمة وما ابدي صديقتي على ديني وقتها قالي (خلاص مفيهاش حاجه روحي)!!!!!!!! قبل كان كلامه غير وبعد ما سمع رأي القرضاوي قال شي ثاني
انا ما اقول ان ردودكم غلط بالعكس ردودكم نابعة من دينا مش جايه من فراغ بس الحين انا صج اشوف كلامين متناقضين الدعوة والارشاد والقرضاوي .... انتوا مع من؟
ومشكورين .

السلام عليكم ...حياكم الله يابنات قطر .....بنات تكفون من فيكم يعرف وحده تصبق الشعر زين وتجي في البيت ...لان بيتنا في السيليه ...ويكون سعرها معقول ..اختي تبي تصبع ...بسرعه

سلام بنات...مشكورين كلكم على سؤالكم عني..انا موجودة بس ماعندي شي جديد اضيفه فحبيت اني اتابع بس بدون مشاركة