صالون المشاطة قرب اللولو ممتاز

قوة بنوتات.. شلووونكم..
واخباركم مع الويك اند؟؟

امس رحنا مطعم فينيسيا.. لكن بصراحة كلش ما عجبنا اكلهم.. مأسااااااة.. ما انصح احد يروح..

أم ياسمينا..
حلو ترة تاخذين دورة للمكياج.. بس حطي في بالج انج ماراح تطلعين من الدورة بروفشنال.. يعني راح تتعلمين الاساسيات وهذا شي واايد زين.. لكن هم بعد لازم تتعلمين على نفسج بنفسج.. مثل ماقالو البنات..

يعني انا الحين ما امدح نفسي.. احم احم.. لكن ممكن تقولين اني اعرف امكيج واايد حلو.. :icon18:
قبل الزواج كنت دايما امكيج صديقاتي للاعراس والحفلات.. :icon28: .. ومرة مكيجت صديقتي لحفلة حنتها.. ويوم عرسها قالولها الناس ان مكياجها كان مثل يوم الحنة..
وهم اذا اسوي مكياجي بنفسي للأعراس واايد يسألوني منو مكيجك؟؟

وييي.. وايد تكلمت عن نفسي.. خخخخخخخخ مستانسة.. :7_5_131:

المهم.. هذا من شنو؟؟ من التدريب.. كل يوم كل يوم كل يوم.. صار لي تدريب عدل.. وخاصة ايام الجامعة.. اعتقد ام ياسمينا شفتي جامعة البحرين والبنات شيسوون هناك.. ميك اب عرس.. عاد كنا نحط الميك اب مرتين في اليوم.. مرة الصبح للجامعة.. ومرة المغرب للمولات.. هاهاهاهاها..
وبس الحييين تعودت على الميك اب عدل..

المهم.. كل هالسالفة الطويله العريضة عن قصة حياتي.. اني ابي اقول لازم انتي تحطين لنفسج.. ليما تعرفين عدل وتضبطين..
الحين اهني بالدوحة.. مو الكل يحطون ميك اب.. عشان جذي انا ما احط يوميا.. او اذا حطيت ما احط وايد واحط الميك اب العادي كلش.. فشوي شوي. بديت انسى شلون اسوي الميك اب.. حتى يوم العيد.. في البحرين.. لما خلصت الميك اب.. قالت لي اختي.. وييي اختربتي.. :08:


يالله بس خلاص.. لأني اذا ابتدي بالموضوع هذا ما اسكت.. زوجي متغربل مني.. خخخخخخ.. :024:

المنهاج انا ابي امكيج نفسي بس مب امكيج الناس...انا كنت اقول ان صديقتي تبي تاخذ دوره في مركز الاسوار(على ماعتقد جي اسمه) عشان تمكيج ...بالنسبة للاي لاينر استخدم لانكوم وبشتري ان شاء الله الفرشاه اللي قالت عنها فديت بناتي عشان يطلع مضبوط... لاني اتم فترة طويلة يوم احط الاي لاينر ولازم يطلع مايل واضبطه بفرشاه ماك...الحين بجرب فورايفير ان شاء الله ..مشكورين بنات

الحلــــ* قمر*ــــوة
كلامج صح بنات البحرين مكياجهم وايد حلو وانا هناك حاولت حد يعلمني بس محد عطاني ويه او يقولون لي بعض الاشياء لكن ماتضبط لما اسويها...وكانت صديقتي تمكيجني لو عندي مناسبة في البحرين وحتى ثاني يوم عرسي جات قطر تمكيجني ومكياجها وايد حلو...وهي اصلا تمكيج البنات والعرايس بس اذا انا كنت بطلع وياها ولا معزومين على عرس تقول لي تعالي امكيجج...وبصراحة انا اعرف اتمكيج بس ناعم وايد ودايما طريقتي وحدة..خاطري اعرف اسوي اكثر من طريقة للشادو والكحل..

هلا خواتي

ام ياسمينا جربيها الفرشاه مالت فور ايفر وااايد حاوووه للكحل
وعلى فكره المفتاح اللي بالسد عنده تنزيلات وعندهم فور ايفر يالله رووحوا اشتروا الفرشاه