أم ياسمينا
بالنسبة للعبايات..
اسوي روحي فلته واعرف يعني..
احنا في البحرين الحين طالعة العباية المفتوحة من جدام.. اهي يات فترة واختفت والحين ردت. تكون مفتوحه وفيها كليبات عشان تتسكر ومن تحت كلش بس مفتوه الى تحت الركبة.
وتقدرين تستخدمين القماش مو الكريب السعودي.. يكون قماش يابس.. لكنه مو المجعمز.. الحين يايبين قماش فيه اشكال وايد حلوة.. اذا ماتبينها كلها ششوي بس الايادي والذيل.
او اذا تفضلين الكريب السعودي سوي النقشات اللي تكون حول العباية يعني مو بس من جدام.. من جدام وورا..
وهم موضة الظهر.. يعني مثلا بتسوين شي في الايادي.. حطي مثله على الظهر. وعلى الصوبين من جدام في الاسفل.

مافهمت شلون عبايه مفتوحة من جدام وفيها كليبات؟؟؟
ياريت توضحين اكثر لان الشرح مو واضح..اما موضة الزهر عندي وحدة ماخذتها من محل في البحرين مثل اللي قلتي عليه...انا اقصد ابي العبايه السادة..يعني اخر شي شريته من البحرين العبايه الصينية السادة...بس ابي اشوي شي جديد

مرحباً بكم يا بنات قطر

بمناسبة الموضوع أقول:

إني زرت قطرلأول مرة قبل سنة

وصراحة لقيت صعوبة في معرفة الأسواق

والأماكن السياحية والمجمعات التجارية

لكن بعد هذا الموضوع

لن أجد صعوبة في معرفة أي شي أبي أوصل له

وبالتوفيق لكاتبة الموضوع والمشاركات

أم ياسمينا.

يعني تعرفين العباية العمانية؟؟ اقصد اللي قصتها تكون على جنب واحد بس.
هذي تكون مفتوحة من جدام تلبسينها مثل الجاكيت.. وتسكرينها بكليبات "طق طق" أو جرار او ازرة.. يعني في اشكال وايد انتي تختارين.. وايد كيوت هالعباية.. واذا مافهمتي شنو اقصد.. قوليلي ولا تستحين باوضح اكثر.

امنيتي..

يا هلا وغلا فيج حبيبتي..