السلام عليكم ورحمة الله وبركاته

حبيباتي واخواتي بدون دكر اسماء ..والله اني احبكم في الله ..وادا ما نفعنا بعض منو راح نفع احنا بنات بلد واحد يعني بمثابة الخوات..

اختي نصفي الثاني..
حلووو والله على حظي..تدرين مرة كلمتهم بس يوم لقيت انو اللي رد على التلفون رجل ..تراجعت وتكنسلت ..لاني ملتزمة وخفت المكان يكون فيه رجال..
انتي شوفي وقولي لي والله يوفقج اهم شيء المكان هل هو مريح ..هل يدخل علينا رجال ..هل فيه موديل تطبقين عليها بعد كل درس..؟؟ بس هدا كل اللي بخاطري..
لاني ميته خاطري اتعلم ..ياحظ بنات الامارات دايمن باريس غاليري اللي بالامارات يسوي دورات وبنات وايد يمدحونها..وبعد وجوه صار يعطي دورات تجميل ..ما ادري متي بتكرمون علينا ويسون لنا دورات في الدوحة..
ام ياسمينا ..
رحت الله يسلمج امس للاخصائية ..وعطتني ريجيم السعرات الحرارية ..طبعاً عطتني ريجيم 1000 سعرة حرارية في اليوم وقالت لي امشي نصف ساعه باليوم وادا تقدرين تخلينهم ساعه يكون حلو بعد..وقالت لي بشوفج عقب 3 اسابيع..شرايج تبدين وياي ريجيم ..انا اول شيء بسوي فحص للدم عشان ما اسوي الريجيم وانا ما ادري كم الهيموجلوبين في الدم..عشان ما يصيدني ضعف واهد الريجيم بحجة انو دمي ناقص (متعوده على العدر ههههه)
ايه القطرية اللي تكلمتو عنها والله ناسية اسمها بس والله يا بنات شغلها ما عليه كلام ابد والكيلو على ما ادكر 45 ريال..

المنهاج..
مبروك التخرج وعقبالي ..بكم سويتي البوفيه قولي لي(تترتب من الحين حق التخرج:42: )
الله يسلمج نورة فهيد رقمها 5822171 وبيتها في الهلال بس ما يضيع سهل وايد الطريق قريب من المول..

سابرينا..
تسلمين يالغالية..والله احسن صدق مستلعنين لااااااخر درجة..
حرام عليج انا موب كبيرة انا توني صغيرونه >>>24..وما عندي الا عبودي فديت قلبه..يعني لا يغرج ..(تبي تصغر عمرها باي طريقه)

اما بخصوص محل الشوكلاته ..ههههههه تدرين اني ادش كل مرة عليه وما اشوف اليافطه حقت الاسم معليش راح ادور اسمه بالاكياس وارد لكم خبر..

الاخت روزانا يا مرحبا والله فيج اختي ..ولا فرق الا بالتقوي غاليتي..
بخصوص الابواب انا قبل هالابواب سويت عن منجرة بصراحه اقولها علناً(قصوا على ) بس وريتج فيهم شرشحتهم ورميت ابوابهم برا البيت ..كانوا بدل ما يحطون لي خشب مرتب وعدل حطو لي (بليوت) مدري فهمتي على او لا..
بس المنجرة اللي قلت لج عنها روووووعه شغلهم راقي حيل ..وعن قريب مثل ما قلت بحط لكم الصور..

اما بخصوص الجامعه ..
فعلاً يا بنات والله بعض الدكاتره فقدانهم خسارة ..اما هيفاء ونور حدث ولا حرج العكس تماماً فرقاهم عيد..
والله يوفقنا جميعاً..

ام حصة ..(ولا فوكي) اخيتي ..ما اقول الا الله يثبتنا ..ويبعدنا عن الفتن ..وعقبال اخواتي الباقيات..
مزيونة قطر تسلمين يالغالية ورددودكم احلي ..

اما عن احسن صالة افراح ..شوفي اختي..
صالة ريجينسي حلوه يعني شكلها راقي ويعجبني فيها القسم الخاص بالعروس والاشياء هدي انها صاده عن المعازيم..بس عيبهم البوفيه عند الباب ..عدا دلك شكلها حلووو بس تظل صغيرة..

صالة افراح الدوحة حلوووووه وحجمها مناسب بصراحة وعقب ما عدلوها صارت اوكي..بس البوفية شكله شوي يعني لو نقارنه بريجنسي فرق شاسع..بس ارجحها في الحجم على ريجنسي..

الريتز فعلاً ضيقة زود عن هالشيء بعيييييييدة بصراحة..

صالة الدانة اللي في نادي الدانة (اي ثنك) ناسيه اسم النادي..كبيرة صح..بس عيبهم مكان العروس بعيد ولين تمر لازم تلبس عباية وتمر على الناس اللي بالمطعم (فشله بصراحة)..
يعني الايجابيه الوحيده فيها كبرها ..وناس كثيرة يعدونها سلبية..

وفيه صالة جديدة الحين فاتحينها بمعيدر الشمالي حلوووووه وتوها فرش جديده..
واعتقد فيه صالة ثانية تنبني قريب من دوار الوعب وما ادري خلصوا بني والا لسه..!

اما بخصوص ام حصة
الحاجر يا عزيزتي ..مثل ما قلتي الشينكو شكله مو شيء ويشوه منظر البيت..
فيه الله يسلمج شركه اسمها|( شركة الفضاء) تسوي اللي يسلمج مظلات او (طبيله او كراج )سموها مثل ما تبون ..وتسوي بعد حواجز بين البيوت ..طبعاً امادة اللي يستخدمونها خشب مقوي..انا مسويه عندهم مظله بس بيني وبينج غالين شوي..بس شكلها رووووووعه..انتي اتصلي وخليهم يجون يقيسون المساحه ويسعرنها لج ..وماراح تخسرين شيء..بس لا تنسين كاسريهم بالسعر يعني لا تخلينه يعطيج سعر معين ..لا تمي تليحن على دسكاونت لين ينزلج للسعر المناسب اللي انتي تشوفينه..

وبس:42:

اشوفكم بكرة...
فمــــــــــــــان الله..
ام فرفور

ام صلوحي ..... تسلميلي يارب على تفاعلك السريع وردك على كل اسألتي ...

انت فعلاا رائعة ......

وان شاء الله اجرب عشقك الاوووووووووووول لامير .... ( مافي شي بغلى علي ... هيك زوجي بيقولي دايما :27: )

وبالنسبة لمنت و لاميزون كافيه و هوى بيروت ان شاء الله رح اجربهم واحد واحد ... بس بخبرتك مين احلى واكثر دفئ وناسي في القعدة .

صحيح مطعم الضيافة عندهم توصيل للمكاتب والمنازل .... يعني اطلب وهم عليهم التوصيل ....

ورح اخطف حالي لجمعية الدفنة وانجرب بتفور فاطمي السليطي ... بصراحة انا مليت من بتفور البحصلي .....

ام صلوحي ..... مشكوووووووووووووووووووووورة على تواصلك للمرة الثانية ..... اتمنى استمرارك على هالمنوال ...

اختك روزانا

ام فرفور ..... يي عليي والله كنت حاطي في بالي اشكرك على معلوماتك الراااااااااااااااائعة اللي كتبتيها

وكمان ام ياسمينا ما شاء الله عليها ان شاء الله تكون لنا فعلا مرجع وعندها يكون دائما الخبر اليقين

um hissh
القطرية ليست بالجنسية في نظري , بل في حبها وولائها وعرفانها لقطر , لذلك انتي قطرية "بحبك" لقطر

يعلم الله كم في قلبي حب وولاء وعرفان لقطر الحب والرخاء .... وكلامك لو تعرفي كم اسعدني فانت من المعدن النفيث اللي يشرفني ان يكون بيني وبينك تبادل في الحديث والله يرزقك ويوفقك وينعم عليكي بالصحة والعافيية

والله خاطري اذكر كل وحدي اسمها موجود في الموضوع لأشكرها على تواصلها .....

بدنا استمرار بنات ... حتى يدوم الترابط والمحبة ان شاء الله . :24: :26:

أخبري المشرفة عن هذا الرد | الخــط الســـاخن

زين ابغيكم ادلوني على محل بيتفور لذيد بس لاتقولون لي فاطمة السليطي لاني مجربتها وابغي شي احلى والذ

بس شي لذيذذذذذذذذذذذذذذذذذذذذذذذذذذذذذذذذذذذذذذذ

ترى ذوقي صار صعب في الحلويات وماصار اي شي يعجبني

في البدايه حبيت أسلم عليكم كلكم و على أم صلوحي خصوصا

ليش ؟؟؟؟؟؟؟؟؟ لأن أختي يوم شافت مشاركتها فكرت أن أنا اللي مشاركه

و قالت لي " صرنا نعرف أخبارج من النت" و انا أقول لها ما شركت وهي تقول لا شاركتي

فيوم دخلت لقيت أن اللي مشاركه هي أم صلوحي. طولت السالفه وهي قصيره صح!

المهم قهوة منت خاطري أروح لها بصراحه من كثر ما مدحتوها. لين أشوفها يكون ماعندي وقت

أمر لأني أكون موديه عيالي للعياده.

بس بصراحه شرايكم في مطعم بنجنزاللي في مجمع التنس. أنا عن نفسي أشوفه حلو

و أكله بعد و غير مكان اللأعاب حق عيالنا. و مطعم بخارى بعد حلو.

و سلامتكم

مع تحياتي للجميع

أختكم ام صلوح الملوح