اهلين ام شاهين , رحت الى دبي دار الحي ......... يا زينها و زين اهلها و زين عمرانها !

الغاليه ام حصه
اذا بتروحين هناك سوي لك جدول كيف تستفيدين من السفره باليوم طبعا ميونخ للي يحبون السياحه وسط اوروباممتازه المهم تستعدين لها بلجيكا قريبه هولندا فرنسا المهم القطارات عندهم فخمه لاتفوتون المناظر من القطار وايد حلوه الفنادق طبعا من هنيه ارخص بس انصحك لا تاخذين فندق اثري صح هو اغلى والريايل ينقص علهم ولكن ما فيهم مكيفات
من سنتين رحنا وكانت موجه حر وابو العيال يحب البرستيج لازم نظم الملكي ولاعت كبدي
اشفايدة الديكور مع الحر
اختاري فندق نظام امريكي او سويدي ثرا الخدمه الفندقيه عندهم هي الي تناسبنا مثل هلتون شيرتون ساس
من فينا لاتفوتين الغابه السوداء

ام حصة..

فيينا اذا رحتوها لازم تروحون سالسبرغ بعد.. هي مدينه ثانية بس وااايد رومانسية.. فيها بحيرات واايد حلوة.. وفيها كهف ثلجي تروحين له فوق الجبل.. وهو جبال الالب.. واحد منهم طبعا.. وفي بحيرة تروحون لها بالباخرة رووووعة.. تمشون من بدايتها الى نهايتها.. وفي البداية يوجد سوق يهبل.. ولايفوتكم الايسكريم اللي عندهم.. اول مرة اذوق ايسكريم جذي. غير شكل.. بس والله نسيت اسم البحيرة.. العتب على الحمل..
اهي اسمها سانت لوغان او سانت (شي يعني) .. وهم عندهم الاولد تاون.. سوق كبير وايد حلو.. عنده ماركات وعنده الرخيص.. ومطاعمهم هم حلوة..
ويكون بعد الجسر اللي على نهر الدانوب.

اما فيينا عندهم شارع طويل مثل الممشى.. وييي هم نسيت اسمه انشالله البنات يعرفونه.. او اذا ولدت وردت ذاكرتي او رديت الدوحة باكتب لج الاماكن بالضبط..
عندهم حدايق وااايد تهبل ورد وزرع يقدرون اليهال يلعبون.. وهناك وايد امان.. الا بعد الغروب لاتدخلون اي حديقة.. فيها ملاهي وااايد حلوة.. وكل هالاشياء في نفس المنطقة..
روحو بعد جبال الالب على بالتلفريك.. وااايد حلو.. لكن الالب هذا غير عن اللي في سالسبرغ.. وروحو للزحليقة الكبيرة.. والبحيرة اللي تحت الارض.. وبعض القلاع اللي تهبل..
في فيينا تره في مكان للسياحة.. تقدرين تروحين وتاخذين الكتيب من عندهم.. وتتعاملين معاهم.. او على الاقل تقولين له بنتفق وبنجي مرة ثانية.. لكن تاخذين على الاقل الكتيب عشان تعرفين.. وهو مكان مصريين واايد زين احنا تعاملنا معاهم.
مكانه في فندق الساس راديسون.

اما ميونيخ..
ما ادل ملاهيهم.. بس اعرف مكان سوق وايد حلو.. في منطقة او ساحة اسمها المارين بلاتز.. وفي محل 6 طوابق قباله اسمه هوفوف.. وهالمنطقة في كل مكان فيها بتلقين سوق..
واذا تبين الماركات.. عاد نسيت اسم الشارع بس في منطقة فندق كمبنسكي فور سيزونز.

انا مادرت فيها وايد لأن كان زوجي مسويين له عملية.. فاخليه نايم مع الدكتور في الفندق وانا ادور.. هههههههههههه.. بس اعتقد ام حمد القطرية رايحة ميونخ بعد وانشالله تفيدج.

ماشاء الله متى وصلت هالصفحات .....الله يزيد ان شاء الله

Miss:ButterFly
حبيبتي غيري بذرة الكتان وحطي شاي اعشاب
لاني استخدمت البذر الكتان اللي عندي وحسيته متغير مادري اذا متغير ولا اشلون لانه الماي يطلع لزج شوي ومااقدر اشربه مادري اذا عادي ولا اشلون لاني من فتره ماشربته
وابو العيال يوم وره يوم ومايروح يشتري لي اياه خخخخخخخخخ
قلت شاي اعشاب اسهل


بالنسبه لخياط اللولوه ممتاز يعجبني خياطته وموديلاته حلوه
خيطت عنده وااايد حلو الكل يسالني من وين

بنات اللي يسوون رجيم عادي لو راح خاطري في شئ اكله حتى لو ملعقتين منه ماياثر

ام حصة..

انا سألت عنها وقالولي عنها كل شي..
بنت عمتي كانت دايما تاخذها في عيالها الثلاثة.. وماصار فيها اي شي.

بعد باجر عندي كورس مال قبل الولادة.. وانشالله باسأل هناك.. وهم الاسبوع الياي موعدي بعد وباسأل الطبيبة..
الحين الثامن كل اسبوعين لازم موعد.. وبعدين التاسع كل اسبوع.. وعاد انا بالوع جبد الطبيبة باسئلتي..