السلام عليكم خواتي ، مشكورين على مجهودكم الرائع في هذا الموضوع .

اختي جرحي عميق ممكن تطرشين لي المنيو اذا سمحتي .... مع الشكر لج مقدماً

وبغيت من الخوات اللسته اللي فيها رقم البنات اللي يميكيجون


والله ان الموضوع أكثر من رائع والشكر موصول لأم ياسمينا وما تشوفين شر حبيبتي .

الاخت ((((جرحي عميق)))) هذي ثالث مره اطلب منك ترسلين لي اللسته للبنات اللي يمكيجون ولا حيااااااة لمن تناادي
الله يسامحك

ام صلوحي
ام حمد
انا بعد معزومة على العرس ومن الاهل بعد!!!!ليكون احنا نقرب لبعض واحنا ماندري؟!!!!بس للاسف انا مارحت لاني تعبانه ولا اقدر استحمل القعده في الاعراس بس امي وخواتي راحوا..

بالنسبة لسليم فالعطورات المخلطة اللي عنده حلوة وخصوصا اللي بياخذون للاعراس واصلا سليم مشهور من زمان

نصفي الثاني
الاوراق اللي تبينها موجودة في البيت الحديث اختي تشتريهم من هناك

ام حصة
المركز العالمي في اللقطة اول ماتنزلين من الجسر اللي عند اللاندمارك بتحصلين اول لفة يمين لفيها بتلقين الصالون على يدج اليسار

مشعل نور
انا اتمنى القى ةحدى تيجي تحفظني وتحفظ ولدي القران لو عندج فكرة ياريت تساعديني لان صار لي سنة ادور ومالقيت..لان صعب ادخل رجال في البيت وزوجي مو موجود..وبالعكس انا مثلج اشوف ان اهم شي يحفظ القران قبل اي شي..بس مايمنع في نفس الوقت اني ادخله مدرسة اجنبية لاني ابي تعليمه يكون اقوى وفي نفس الوقت بقوي فيه الوازع الديني وبحفظه القران...وترى حتى لو دخلته مدرسة عربية مافي اهتمام في الدين ولا القران ولاشي دخلنا المدرسة وشفنا عدم اهتمامهم في هالجانب وحتى مادة الشرعيه كانت عبارة عن حفظ..
تصدقين انا الحين لما كبرت بديت اقرا الكتب الدينية والقصص كاني اول مرة اعرف عنهم... لان ماكان تدريسهم بضمير...ومع المدارس المستقله والمدرسات الهنود اللي يحطونهم ماظن بيكون في اي اهتمام في الدين....لكن انا معاج ان اول شي يتعلم القران واللغه العربية لان انا نفسي ماحب اخواني او ولدي يكلمني انجليزي ولو قالوا كلمه مارد عليهم واقول لهم انا عربية وانتوا عرب..والحمدلله ولدي الحين يفرق وصار يعرف انه يتكلم الانجليزي بس مع الشغالات او في المطاعم او المحلات يعني وقت اللي يحتاج يتكلم..اما البيت فعربي

لغاليه ام يسمينا
شكلنا كلنا نقرب حق بعض ولا ام صلوحي انصدمت لما عرفتني مع اني كنت عارفتها من زمان