ام الحلوين
الله يبارك لج في ولدج و الله و انتي توصفين ولدج كأنه تصرفات و لدي ترى كل الاطفال ما عندهم طولة بال و فعلا الروضة اذا حفظوه بيساعدج وايد يعني بيكون دورج مراجعته فيما حفظ بس لازم تتفقين مع المدرسة ادخله مسابقة القرآن الكريم لأن اللي ما يطلب ما يدخلونه و تطلبين منها الطريقة اللي بتتبعها معه في التحفيظ عشان تابعينه معاها و ما يتتشتت الطفل بينكم .

أنا أولادي للأسف ما اقدر امنعهم عن مشاهدت التلفزيون بس اقفل القنوات اللي ما تناسب و اغلب القنوات اللي يتابعونه قنوات الاطفال و لو شليته عنهم الله لا يراويج ما عندهم شي يشغلهم ينقلب البيت ساحة مصارعة و تعالي فاججي بينهم

ياليت ترسلين لي رقم Doha Academy

بعد اذن اختي ام ياسمينا ممكن اختي ام الحلوين رقم محفظه للقرآن سوريه

اختي ام ياسمينا
و لا يهمج انا اليوم بكلمها و برد لج خبر ان شاء الله

لغاليه اختي مشعل نور
هل قصدك المدرسه الي في المعموره سمعت عند اهلي ومجموعه من الناس سوالف ما تسر عن المدرسه وبعدينما عليكم من سالفه عمرو خالد ومن مصادر مقربه من اصحاب المدرسه
اختي لا تستعجيل لا تاخذين بكل الي ينقال
عندك المها ممتازه عندك القاده العالميه

أخواتي اللي تحب تساعد اولادها على حفظ القرآن الكريم

فيه شريط تحفيظ للقرآن الكريم بصوت المقرئ محمد البراك
جزء عم ( مكرر ثلاث مرات )


الشريط تجدينه في مكتبة الصوتيان و المرئيات الاسلامية اللي في شارع السد
العلبة فيها شريطين


مكرر 3 مرات يعني الآية يكررها 3 مرات حتى يحفظها الطفل بس في البداية اقرأيها معه كاملة ثم فهميه ان الولد اللي يقرىفي الشريط بيساعدنا نحفظها و انه بيقول كل آية 3 مرات عشان نحفظها بس احنا بنقولها مرة وحدة عشان ولدي في البداية صار يقولها 3 مرات فلما سألته قالي الولد يقول جذيه ففهمته انه يقولها 3 مرات عشان نحفظها بس احنا نقرها مرة واحد و مع الوقت و بالتكرار يسهل عليه الحفظ .

انا اشغل الشريط كل ليلة و اقفل الباب عشان ما حد من اخوانه يزعجه و اطفي الليت و انام جنبه و اطلب منه يقرى مع الولد وطبعاً على المزاج مرة يردد و احياناً يرفض ويقولي بس بسمع و يطلب مني اني ما اقرى معاه بس اسمع و اترك الشريط يقرى لحد ما ينام و تعود ان احنا نشغل الشريط كل ليله و طبعاً هو ما يتابع كل الشريط بس بالتكرار يتعود على الآيات

و المقرئ صوته حلو و صغير كأنه يسمع ولد و الله حتى انا و لله الحمد استرجعت ما نسيته مما كنت حافظته من جزء عم
و لدي استعملت معه بعض سور الشريط الأول من الفجر الى الناس و هذا الجزء هو اللي يحفظونهم في التمهيدي ( و في الروضة ما يحفظون الاطفال الا قصار السور )

و الله كنت مستكثره ان ولدي يحفظ هذي السور بس لما رأيت الاطفال ما شاء الله عليهم يحفظون هذي السور تحسفت اني ما بدأت معاه من وقت سابق كله عندنا اولادنا صغار و ما يقدرون يحفظون و احنا ما نعرف ان احنا نفوت عليهم فرصة عظيمه للحفظ و هم صغار بس الحمد لله ادعو لي ان الله يقدرني و اتابع معه حتى يختم القرآن كله .

يا الله ياربي في ها اليوم المبارك توفقني و توفق خواتي في منتدى عالم حواء و كل أبناء المسلمين في كل مكان في تحفيظ أولادنا و بناتنا كتابك الكريم ليكون حجة لنا و لهم يحاجج عنا يوم يوم القيامة

تعرفون ان من يحفظ اولاده القرآن يلبسونه يوم القيامة تاج من نور اللهم اجعلنا منهم يارب العالمين

اختي ام حمد و الله ما اعرف موقع المدرسة بس سمعت عنها عند الاخوات ياليت تذكرين لي شلي سمعتيه عنها ما يسر

المها ، القاده العالميه و ين مكانهم و شلون مستواهم و نظام التعليم عندهم و هل فيه حد جربها

و الله احترنا بها العيال نبي لهم الأفضل الله يصلحهم و يوفقهم