ام ياسمينا البيبي توني اليوم اكتشفت انه مافيه نبض ولازم انزله..

نفسيتي وايد تعبانه

أم صلوحي
انا متأكدة انك انسانة مسلمة بقضاء الله و قدره , و لا تحتاجين من يذكرك لهذا الشئ . اهم شئ انك بكرة تثقين كامل الثقة ان الله وحده هو الذي معك , واي شكة ابرة هو شايفها و بياجرك عليها , وبعدين الحمدلله صار لك شفيع يوم القيامة هالضنا اللي ما فرحتي فيه بالهدنيا الفانية وبتلقينه في دار الخلود , امييييييييييييين
اذكري الله وتوكلي عليه وحده !
ارجوك طمنينا عليك ,,, والله يتقبل ما دعينا لك .

أم صلوحي
الله يسهل عليك ويكتب مافيه الخير لك وللجنين

وان شاء الله تقومين بالسلامة وطمنيناااا عليك

سلامتج يا أم صلوحي الله يعينج و يقومج بالسلامة و يخلف عليج بأبرك منه

اخواتي اب أسأل عن أفضل مشتل ممكن يعمل لي الحديقة

و أفضل مهندس زراعي أو زراع تعاملتم معه

ان شاء الله قريباً بيخلص بيتنا يعني بالتشطيبات نبغي أفضل محل للأصباغ و افضل ماركة صبغ

بلاط للحوش و الحديقة و ين ممكن ألاقي أنواع جميله و راقية

اريد رسام ممتاز لعمل رسومات على الجدران

و أهم شيء

المطبخ
ياليت اللي فصلت مطبخ أو اشترات مطبخ جاهز تقولي من و ين و ما هي أفضل المحلات و ما هو الأفضل افصل و لا جاهز و شلون الأسعار

بالنسبة لغرفة الملابس ما هي أفضل المحلات أو المناجر التي تصمم و تركب الكباته( الدواليب ) الخاصة بغرفة الملابس

بالنسبة لغرفة الغسيل ما هي أفضل الأفكار التي نفذتوها فيها ؟

الاضاءة و الثريات شنهو أحسن مكان اشتري منه

يوه كل هذا باقي ما خلصناه الله يعين بس
أهم شيء الأسعار شلون

يله اللي تبي دعاء من القلب ان شاء الله مستجاب لا تقصر في الرد
الله يوفق كل من قرأت و لم ترد و الله يوفق من قرأت و ردت و يجزيها خير الجزاء

اول شئ يالله ,ابي الدعاء ;) و باساعد باللي اعرفه و الباقي الاخوات ان شاء الله ما يقصرون ,,,,,
بلاط الحوش ....... كل محلات السيراميك متوفر عندهم , انتي و اللي تحبينه , ممكن طريق سلوى المحلات اللي فيه مثل الاحساء للبلاط وممكن الشركة المتحدة , والاماكن اللي في سلوى /طريق الوكرة فيه كافود ,العباس ,نابينا ,الشريف .
الصبغ ...... جوتن انا اشوفه زين / الصباغ .... والله في كثير الغالي و الوسط ,سمعت ان سحر الشرق اللي في سوق الركن الغربي يصبغون زين , عالم الديكور عجبني اللي عندهم في المعرض اللي تحت جسر الجيدة و جنبه محل رياضة و هالايام يعدلون في المعرض بس شغلهم غالي , انا تعاملت مع صباغ عجبني شغله و سعره معقول اذا تحبين ارسلك على الخاص رقمه .
المطبخ .... اهتمي بالتفصيل الصح , في مجلة اجنبية اسمها kitchen and bath فيها افكار حلللللوة / ممكن تشوفين الشركة المتحدة طريق سلوى / رافكو اذا مب غلطانة طريق الغرافة / وفيه محلات في سلوى جديدة و شكلها زين / انا تعاملت مع قطر يو بي في سي ( بس كوني دقيقة جدا في كل شئ حتى عمق المغسلة واكدي على اللون للرخام و الكبتات في العقد تراهم يغلطون من كثر الزباين )
الخزائن والدواليب .... الخليج للخزائن في طريق سلوى / الخزائن المبتكرة شارع النصر .
غرفة الغسيل ..... ادخلي هذا الرابط وشوفي اللي فيه , فيه صور غرف غسيل getdecorating.com
الثريات ..... شريتهم من السعودية احلى و ارخص .
وسلامتك