بنات قريت موضوع في المنتدى عن وحده تشتكي من منتج سنو وايت , الموضوع
بتحصلونه في ركن البشره , المهم .. السالفه ذكرتني بمشكله مشابهه صارت لي من فتره , اقروا سالفتي يمكن تستفيدون والله كل ماتذكرها انقهر واتنرفز

زميلتي عطت بنت عمي رقم اخصائية تجميل مصريه تشتغل في شركة سويسريه للتجميل , المهم هالشركه كانت اتسوي دعايه لمنتجاتها بان ترسل وحده من خبيرات التجميل اللي عندهم للبيت وتسوي لأي بنت تنظيف بشره لفتره معينه (اسبوع او اكثر يمكن ماذكر بالبضبط لان مرت على السالفه شهور) .. زميلتي من عرفناها انا وبنت
عمي وجهها أبيض وصافي ماشالله لا حفر ولا حبوب ولا بقع يعني بدون لا ابالغ فعلا بشرتها قشطه هههههه لا اله الا الله عليها

هذي البنت قالت لبنت عمي ان في خبيرة تجميل تزورها البيت وانها ممتازه وان جميع
مستحضرت هالشركه طبيعيه وماعليها كلام , بنت عمي خذت رقم الخبيره واتصلت فيها وجات لنا البيت , بخلي البلاوي اللي صارت في وجه بنت عمي وبقولكم اللي صار فيني ..

اول شي جات وسولت تنظيف بشره حطت لي غسول وكريمات ومرطبات واقنعه
بعدين قعدت معاي وقالت لي المشاكل اللي بشرتي اتعاني منها ( وقسم بالله العظيم قبل لا اعرفها المشكله الوحيده اللي كنت اعاني منها هي الهالات والخطوط اللي تحت عيني مع اني للحين صغيره , بشرتي كانت صاااافيه ماتحتاج شي غير عنايه للعين والكل كان يقولي بشرتج بشرة بيبي ) المهم قعدت معاها وخرعتني , قالت لي بشرتج
مب نظيفه وتحتاج غسول ينظفها وخشمج فيه حبوب سودا واضحه ومخربه وجهج
بل بل بل انا تخرعت قلت لها اوكي باخذ الكريمات اللي عندج وبجربها
خذت غسول وجه وكريم صغير للعين وسائل للعين قيمته 200 وشي ريال ههههه
وجل للخشم ب 300 وشي هههههه , تخيلوا بس هالاربعة اشياء طلعت ب1000 ريال .. الحين القهر مب في الفلوس القهر انها كانت تحلف ان هالمستحضرات كلها مكونه من مواد طبيعيه وان في غضون شهر بشرتي بتصير روعه

بقولكم شصار فيني من مستحضراتها , اولا سائل العيون وجوده وعدمه كان واحد
ماصار لي اي تحسن من الهالات .. ثانيا الكريم الابيض الصغير هي قالت لي هذا كريم يخفف الانتفاخ اللي تحت العين , اتصدقون عطت بنت عمي نفس الكريم وقالت لها حطيه على شفايفج بيكبرهم هههههه مب صاحيه المره شلون كريم يقلل الانتفاخ اللي تحت العين ويكبر الشفايف في نفس الوقت ؟؟؟؟؟ عموما هالكريم سبب حساسيه
تحت عيوني وطلعت لي حبوب ورديه صغيره . ثالثا الجل اللي عطتني اياه وحلفت انه راح يشل الحبوب السودا اللي على خشمي , سبب لي حكه خفيفه وخشمي طلعت فيه
حراره كبيره ههههههه شكلي كان يضحك والله , رابعا الغسول اللي عطتني اياه
خلى وجهي يتغير 180 درجه , وجهي كان صافي فجأه تحول كله حرار , زوجي شاف وجهي بقق عيونه وعصب قال هذي خربت وجهج , الوالده والوالد انصدموا يوم
شافوني ..

قمت انا اصيح من القهر , اتصلت فيها وقلت للخبيره انتي خربتي وجهي بكريماتج
وكلمت مسؤوله في الشركه وسبحان الله قلبوا السالفه علي وطلعوني انا الغلطانه
اعذار والله سخيفه , اتقولي اكيد ماعرفتي تغسلين وجهج عدل بالمغسول !! شدعوه ياهل ماعرف اغسل وجهي ؟ وقالت لي الطريقه اللي حطيتي فيها المستحضرات اكيد
غلط , فهمتها اني اتبعت خطوات خبيرة التجميل والعيب مب فيني العيب في شركتهم
لان بعد بنت عمي وجهها صار كله حرار وبقع ويوم راحت اتسوي بحث في الياهو عن الكريم الابيض الصغير لتكبير الشفايف حصلت فيه ماده صناعيه وهم يحلفون
ان منتجاتهم كلها طبيعيه .. المهم قالت لي المسؤوله بتجيلج كبيره خبيرات التجميل
من لبنان علشان تفحص وجهج ووجه بنت عمج , وجات فعلا بيتنا وذكرت نفس الاعذار السخيفه اللي ذكروها باقي اعضاء الشركه وبعدين قالت لا تزعلين وانا بزورج مره ثانيه وبسويلج تنظيف في جلسه وحده بيطير كل هذا اللي في وجهج
قلت في قلبي معقوله بطير حرار وبلاوي في جلسه وحده؟ ماصدقت كلامها وقلت لها اوكي بنشوف .. تصدقون عطتني موعد ولا اتصلت ولا اسألت اللي ابي اوصله من كلامي ان هالشركه كانت تهدف فقط للمال ولا همهم رضى زبيانهم وفعلا اتصلت فيهم بنت عمي وقالت لهم انتوا لو تهتمون في باينكم كنتوا اتصلتوا وسألتوا وجيتوا في الموعد اللي حددتوه , طبعا الخبيره المصريه تعذرت وقالت احنا اسفين ومعليش نسينا ومادري شنو وحاولت اتحدد موعد ثاني بس احنا نرفضنا وقلنا مانبي شي من شركتكم

اسفه طولت عليكم بس احبيت اقولكم تجربتي مع هالشركه الله يسامحهم والله وجهي
تشوه من الحبوب بسبتهم واضطريت اني اروح اتعالج , ذاك اليوم شفت وحده من اهلنا اتكلم عن الشركه واتقول حسبي الله عليهم شوهوا المدرسات اللي في مدرستنا وقصوا عليهم هههههههه , على فكره الشركه مشهوره وانا مابي اشوه سمعتهم بس اللي شفته من الكذب وعدم المبالاه خلاني اكتب واتكلم وانا ماقلت هالكلام الا لانكم نفس خواتي واتمنى اللي صار فيني ما يتكرر مع غيري , واخاف احط اسم الشركه هني يهاوشوني ههههههه بس اللي حابه تستفيد وتعرف انا حاضره على الخاص واتمنى محد يزعل من كلامي

ابي اسالكم ايش هو العمر المناسب الي اتدخلون فيه عيالكم المدرسه ... انا ولدي الحين 3 سنوات وابي ادخله بس اشوفه صغير ويكسر خاااطري ... وابي اعرف ايش رايكم في مدرسة الخليج؟

مشكوره ساحره الشرق
على الوصف لاء عرفته عجبتني صواني الكب كيك باروح ان شاء الله باشوفهم وارد عليج الف شكر لج

المدرسه طبعا صغير ولدج توه 3 سنين المدرسه احسن عمر لها 6 سنين وان شاء الله لما ولدج يوصل اربع سنين دخليه الروضه وعقب خمس سنين بيكون تمهيدي وان شاء الله 6 سنين دخليه المدرسه
الله يخليه لج

فديت بناتي

جربي جنغل زوون
وايد يسون اعياد ميلاد هناك