ام حصه أنا بعد مثل ام صلوحي "لازم كلنا امهات صالح"

بصراحه إذا العرس مش حق حد من الأهل ما حب افصخ العبايه

صح إن كل اللي موجودين حريم بسسسسسسسس مادري مارتاح

موضوع اخر اشركه مع موضوعي ..... بعض العوائل اصبحت تخصص ايام للتهنئة بالولادة او الزواج , مثلا الولادة 4 ايام محددة في الاسبوع , منها ان الوالد تكون مرتاحة من دخول الناس فجأة و منها اهلها يكون اريح لهم , لان بصراحة الاستقبال اليومي فيه تعب على اهل البيت , وهذه الايام تعطيهم مجال يجهزون التضييف من عصير و معجنات و كيك , و الوالد تكون على استعداد اكبر للاستقبال بعد تعب الليل و السهر ...
و التهنئة بالزواج , بعض الناس اصبحوا يكتبون في بطاقة العرس : تستقبل ام العروس المهنئين 3 ايام بعد العرس , احسن من يجون بالقطارة , لان الوحدة وراها مسؤلية زوج و بيت و عيال .... ايش رايكم ؟ انا احس انها حركة راقية و فيها تنظيم .

تدرون , مرة وحدة كويتية قالت لي , انهم في الكويت يستقبلون مرة وحدة بس , بس هذاك اليوم يسوون بوفيه كامل و يعزمون كل المعارف , والكل يجي , و الوالد و اهلها مرتاحين طوال ايام النفاس الا من الاقارب المقربين فقط ...

ام حصه..مادري احس ماله داعي افصخ العباه...لان اصلا ماعرف احد!! يعني رايحه بس استانس و اغير جو...واصلا ناادر ما اروح عرس احد ماعرفه الا مرة يوم رحت عرس صديقت بنت خالتي...والزيارات اذا رسمية ما افصخ العباه يعني مثلا رايحه ابارك لاحد ما راح ادخل وافصخ العباه...!!!


وعن تحديد الايام اصلا للوالد ماتقدرين تحددين ايام لان شلون بتبلغين الناس بهالايام...لكن انا ماما يوم ولدت كانت تستقبل الضيوف بالمجلس و تضيفهم و تقهويهم وكل شي..وبعدين يدخلون عندي بالكثير خمس دقايق

وعن تحديد ايام للتهنئة انا اشوفها ممتاااااازة...اهل زوجي هذي طريقتهم..وااايد مريحه..يعني يكون عندج خبر ان هالكم يوم من الساعه كذا الى كذا بيجون ناس..فنكون مجهزين الضيافه و العصير وووو واحنا متجهزين ولابسين

انا اشيل العبايه من الباب وحتى في الاعراس اروح حمام الفندق واشيل العباية وادخل...عيل اشتري ثياب وادفع فيهم قيمه واروح اغطيهم بالعبايه؟؟؟وبعدين انا ماتعجبني حركة العبايه الرفع اللي يشيلونها في الاعراس وصارت كانها شال وطايحه بعد ..يعني ليش تلبسينها اذا انتي حاطتها بس جي؟؟؟؟!!!!!!بس مايمنع ان في نسوان كبار تعودوا انها تكون عليهم ومايشيلونها فعادي لانهم تعودوا على هالشي من الصغر