ام حصوص بالنسبه للعبايه انا ما اشيلها الا اذا عرس حد من اهلي مادري احسها مب حلوه اشيلها في عرس جيران و لا معارف و لا يمكن لان ما تعودنا على هالحركه يمكن في المستقبل تصير عادي
اما بالنسبه لتحديد الايام بعد احسها قويه يعني كأنج تقولين لهم لا تيون و الله البيت مفتوح للي بيجي حياه الله في اي وقت و الي مب جاي ما يشوف شر .. و كل شي موجود و اكيد اذا حد بيجي بيتصلون قبلها اكون جهزت نفسي و الله ما كثر الا من المطاعم اتصال واحد و كل شي يكون عندج
اعتقد في عادات حلوه و عادات من الصعب تغييرها

روزاليندا....فكرة تحديد الايام سوتها ام زوجي...يعني حسينا برااااحه...الناس عرفوا ان هال3 ايام هي تستقبل الضيوف...باي وقت...فتجهزنا و كل شي و استانسا يوم جاو الناس .. وطبعا اللي بيجي بعدها حياه الله...بس فكرة تحديد الايام تعني ضمنيا..ان اللي بيجي بعد هالثلاث ايام يتصل عشان نكون موجودين بالبيت في انتظاره على اكمل و اتم استعداد

طيب ليش انا حبيت هالفكرة؟؟؟؟؟؟؟؟؟؟؟ لان ماما يوم الاستقبال في عرسي..ماحددت ايام مثل ام زوجي....وتعبت مسكينه...طلبت عصاااير و اشياء وكيكات وجابت وحده للضيافه..ويمكن 3 اللي جاو...يعني كل يوم تجي وحده او ثنتين..على مدى شهر يمكن !!!!

اخواتي الغاليات
موضوعكم حلو اشيل العبايه شدعوه هذي مب عاداتنا شبيقلون الناس اختهم خالتهم شسالفه
ثراها صعبه مب كل مكان عند اختي ممكن الصديقات ما ادري احسها احسها ما اقدر اقول لا تزعلون
بعد تحديد وقت لا ما اصدق حد بيجيني فرصه المباركه دايما اول يومين عقب تكون بموعد
امس جوني ضيوف فجاءه علطول شاي قهوه المعموره فيها فطاير حلوه
كل شي سهل الي عايشين في الدول الصعبه كل شي يثلجونه لان ما فيه اغراض
كيك يسونه ويثلجونه وفطاير وكل شي اهنيه سهل التقييد بيقلل صلة الارحام لان فيها رسميات
زيادة قطاعه
كانوا لول اذا عند هلي عزيمه كل نسوان الفريج يساعدون امي بدون لا تقول كل حد يجي ويساعد والريايل ما يبغون عزيمه الغدا في مجلس فلان الله يرحمك يا ابوي رحمة واسعه وترحم جميع المسلمين

السلام عليكم

شلونكم بنات , ان شاء الله كلكم بخير وبعافيه :)


toota_albnota .. مشكوره حبيبتي , السموحه مارديت عليج أمس بس جاتني كحه اذبحتني , حطيت راسي على الفراش ونمت على طول من التعب
وان شاء الله تستفيدين من اللي طرشته لج وتحصلين اللي اتمنينه يارب

أم صلوحي
كلامك صحيح 100% , البيت احنا بنرحب بالضيوف في جميع الاوقات , بس تحديد الايام ينظم الموضوع , وبعد الايام هذي اللي بيجي حياه الله , بس لازم اتصال , الاسئذان من السنة , الرسول صلى الله عليه و سلم كان ما يرضى للصحابة يفاجئون زوجاتهم بالدخول عليهم بعد الرحلات مع الرسول عليه الصلاة و السلام و يأمرهم انهم يعطون خبر لزوجاتهم قبل وصولهم .... فالمسألة قياس ... يعني الضيوف في هذا الزمن الحديث يتصلون علشان اهل البيت يجهزون حتى من الناحية النفسية , مرات تتفاجأ الوحدة بضيوف و هي في ظروف ما تسمح لها , اما و لدها عنده امتحان و لازم تدرسه , او مزاجها مب زين ذاك اليوم , و الواحد يحب يستقبل ضيفه و هو في افضل حالاته !
ام حمد القطرية
كل شئ تغير يا عزيزتي , لان الحياة نفسها تغيرت , و نكذب على انفسنا اذا اصرينا على الانكار , مين الحين تشوف جارتها عشان هالجارة تجي تساعدها في العزيمة ؟؟؟ انا ما أأيد هذا الشئ , بس هذا الواقع ,,, وبعدين انتي وحدة عارفة كيف الوحدة عندها مسؤليات , بكرة وحدة من بناتك تزوجت , بتقعدين كل يوم تجهزين وتطرشين من برا علشان وحدة او ثنتين ؟والا تحددين ايام ؟ وبعدين انتي عندك مسؤليات بيت و زوج و عيالك الاخرين بالاضافة الى هوايتك هذي اللي انتي تقومين فيها , كيف بتقدرين تخلصين الطلبات اللي عندك , غير شغل البيت , غير مقابل الزوج لان هذا حق من حقوقه و الا بتقعدين تلخبطين نظامك لمدة شهر عشان الضيوف اللي بيجون بالقطارة ؟
بالنسبة لموضوع العباية , انا مع ام ياسمينا , هذي عادة وليست اي شئ اخر , اهلنا عودونا عليها , بس لما تفكرين فيها ....... ليش ؟ انتي امرأة مع مجلس نساء , ليش الخجل ؟ لا انتي لابسة شئ يخالف الدين ولا شئ .... وبعدين الواحد اذا بيطلع حلو يدخل المكان و فيه الوان مختلفة تشرح الصدر , اما السواد التام في غير مكانه ( مكانه اقصد امام الرجال و في العزاء ) ما ادري , شوي يجيب الضيقة و الا لا ؟ انا عن نفسي احب ادخل المجلس و اشوف الوان مختلفة :)