بصراحه انا عاجبني موضوع النقاش وأؤيد ان الوحده تشيل عبايتها!
والله شي يقهر خصوصا اذا كانت بنت يعني الوحده وين بتكشخ وبتلبس وانا مااتكلم عن الاعراس اتكلم عن الزيارات العاديه... انا للحين مو فاهمه ليش الوحده ماتفصخ العبايه؟!
يعني مثلا انا اهلي بالسعوديه مستحيل وحده تقعد بعياتها حتى لو زيارة بمستشفى ومعظم بيوتهم هناك عندهم معاليق جنب البوابه الرئيسه مخصصه للعبايات اول ماتدخل البنت الشغاله تاخذ العبايه وتعلقها!
اعرف وحده حتى شيلتها ماتنزلها خير شر وتاخذ رايي تبي تصبغ قلتلها شحقه تصبغين انتي محد يشوف شعرك ابد, في الزيارات ماتنزلين الشيله والجامعه عليك الشيله ومو متزوجه لاتخربين شعرك وتصبغينه مين بيشوفه!
وبعدين ام حمد لما تقول الغرب ومدري ايش ... الموضوع مو موضوع تقليد غرب ولا هم يحزنون بس شحقه الاسواق مليانه ملابس ملونه يعني لالبست فستان وردي صرت اقلد الغرب!!
ومن ناحية الاعراس بعد استغرب ليش البنات ماينزلون عبيهم!!
يعني بصراحه انا استغرب ان بنات قطر كذا كنت اتوقع ان بنات السعوديه متحفظين اكثر منا بس العكس هو الصحيح!!
عموما هذي وجهات نظر وكل واحد حر بالنهايه

سداويه....في الخريطيات..يعني جيران..حياج تقهوي عندي :)

ام حصه والله وصفتج شكلها رهييييييبه باجربها........

مس باترفلاي...فديتج اني اللي تجننين..امري تدللي الطبخة اللي تبينها انا حاضرة :)

ام خلفوة..اخذيها وماراح تندمين واي مساعده انا حااااضرة

ام ياسمينا والله ماعندي اي فكرة عنها...بس انتي ليش تشترين من الحين متى بتسكنين بيتج انشالله ؟؟

اختي ام حصه ليش تنسحبين الغاليه ام حمد ماقالت شي هاذا مجرد رائي ليس الا.....واللي ايدوها بالراي هم احرار !!!!

بناااااااااات ارجوكم ممكن تقرون هالموضوع وتفهموني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟7
http://forum.hawaaworld.com/showthread.php?t=309572&page=2&pp=15

أم صلوحي
رديت لأقول أنا ما قصدت ام حمد القطرية بالكلام ابدا , و انا ما تضايقت منها , انا تضايقت من قيام من ايدوها بالرأي على الخاص و المفروض ان الحوار علني و للجميييييييييع , ايدتي ام حمد ,,, على عيني و راسي , و هذي الهدف من الحوار , وليس التأييد على الخاص و ابداء الرأي عليه ,,,,, اذا هذا مفهومهم للحوار , انا انسحب من الحوار مع اناس كهؤلاء ,,, أعيد و أكرر , ام حمد القطرية , لم اتضايق منك ابدا , بل من اللاتي راسلوك على الخاص , و اقول لهم , ترى هذا حوار !!!!!!!!!!!!!!!! الكل لازم يسمع رأيك و ليس البعض !!! لذلك اصفه الان بعد هذا التصرف بالحوار الاعور .