ام صلوح ما شاء الله عليج توني ملاحظة و بصلحه الا انتي صايدتني عفيه عليج يا جرحي عميق البنات بدل ما يشاركون صاروا يتصيدون زين جذيه خربتيهم على العموم جزاكم الله خير و الله تونسون بملاحظاتكم الحلوة

جرحي عميق
من يوم قلتوا ن الروحة في العراوي و انا اتخيلكم بهالصورة اللي حطيتيها صج القلوب عند بعضها

جنفر
سكراً لك

ساحرة الشرق

لم اجرب اسألي المحل اذا تنظف الرخام اعتقد انه ممكن لأن فيها فرشة من اسفل
المكنسة ماركتها هوفر اعتقد المانية
العجانة أخذتها مع المجموعة كاملة بس استخدم العجانه أكثر من باقي القطع و الستانستسل افضل من البلاستيك

ام ياسمينا

محلات ايزي على طريق المطار من فترة شفت عندهم أطقم حلوة

انتي ام علاوي كنت استانس لما اشوف اسمج بس علشان انتي من قطر مثل لما نكون مسافرين نستانس لما نشوف حد من بلادنا حتى لو ما نعرفه

اجنان

جزاك الله خيراً على الدعاء

الكادي

التطعيم مع ارتفاع الحرارة خطر جداً على صحة الطفل لا قدر الله يسبب الشلل
انا كل تطعيمات اولادي في المركز و ما واجهتني أي مشكلة و بطاقة التطعيم مهمة جداً للتسجيل في الروضة و المدرسة

شرايكم في الدكتور خالد في عيادة الدوحة هل هو جيد ؟؟
يحليلة من دخلت عليه الين طلعت ما صكت كلام متواصل زين منه يطعيج فرصة تردين على سؤاله !!!
جربته من قبل بس ما ادري ليش احس ان علاجة خرابيط

لهفة الخاطر
حياج الله


الكادي
فعلا موسوعة الفراشة للعناية بالأم و الطفل ممتازة وفيدة ومسلية للحامل و لما بعد الولادة حتى سن 3 سنوات المفروض يكون في كل بيت موجود عند جرير و في الثقافة اللي في الجبر

ام صلوحي
الله يوفقج في امتحاناتج

مس بتر فلاي

بالنسبة للتجارب :
انا احب استخد الكباته البلاستيك اللي فيها جرارات أحجام صغيرة وكبيرة
احط فيها ملابس ولدي الصغير
الدرج العلوي للملابس الداخلية
الدرج الثاني للبجامات
الادراج الباقية أوزع فيها باقي الملابس و الفوط
حطيته في الكبت الخاص به صج عملي و مفيد للترتيب

و اخذت واحد قيه سبع أدراج و طوله اكبر من المتر بشوي و دروجه مب عميقة حوالي شبر حطيت فيها الأغراض اللي استخدمها في تزيين الهدايا و علب الالوان و الفرش يعني اغراضي اللي ما حد يستخدمها غيري و حطيتها في الكبت جهة العلاق يعني ما يبين اذا سكرت باب الكبيت .

اخذت من دسمان اللي على طريق المطار علب بلاستيكة فيها جوارير كبيرة و صغيرة حجمة تقريباً 35× 45 اخذت اثنين و حطيت فيهم المكياج صج لم كل الموجود

و حطيت واحد ثاني في الحمام لا يزيد ارتفاعه عن متر به اربع ادراج مختلفة الاحجام احط فيها الشامبو و الصابون و اغراض الحمام

فيه علب بلاستيك مربعة صعيرة اخذتها من نابينا " العالم الجديد " كل علبة اضع فيها شيء من ادوات المدرسة الخاصة باولادي يعني علبة اصففيها أقلام الرصاص و اخرى للمحايات و هكذا و اصفها في كبت بلاستيكي مثل اللي احط فيه ثياب و لدي

فيه كبتات بلاستيك صغيرة فيها جرارين لحفظ الورق مقاس A4 اخذتها من ميغا مارت اللي في الاند مارك

اخذت دولاب حديدي فيه ست أدراج فوق بعض ممكن تقفلينه بمفتاح طوله حوالي متر و نص و عرضه نص متر و ارتفاع الدرج الواحد اقل من نص متر

ممكن تحطين فيه الأوراق المهمة و الذهب و الاكسسوارات و أي شئ تحبين تحتفظين فيه بعيد عن اي الاطفال
ممكن تحطينة داخل الكبت الجهة اللي تعلقين فيها الملابس .

كنت اشتري العلب البلاستيك لأضع فيها الخرز و الاكسسوارات الصغيرة اللي استخدمها في تزيين الهدايا بعدين صرت آخذ غراش الماي البلاستيك الصغيرة و جففها و ايل الورقة عنها و اضع فيها الاكسسورات بدل ما اشتري عل بلاستيك

و لقيت عند ابو جاسم بعد كبت بلاستيك شحليلة طوله اطول من المتر بشوي و عرضه من جدام حوالي شبر و شوي و عرضه من جنب نص متر ( دقيقة في المقاسات )
فيه ست ادراج استخدمته في المطبخ للبهارات

و لقيت عنده كبت و الله ما صدقت نوعيته ممتازة لونه بني فاتح و من فوق لونه خشبي
حطيته في كبتي للشيل و العبايات و الملابس ذات الحجم الصغير و اجلة الصلاة و غيرها

و في أرفف الكبت الواسعة أضع أرفف بلاستيك شكلها حلو و ممكن ترتبين فيه أغراضج .

و ين ما تلاقين كباته بلاستيك تلاقيني صج عمليه و مفيدة و تلم البلاوي

انا ايضاً استخدام الماي مع الكمفورت لرش الملابس عند الكوي تعطي ريحة حلوة للملابس بس حلاته ما يكون وايد .

جربو بعد ما تبخرين البيت بالعود بس يكون طيب رشي عطر فندي الرجالي و شوفي شلون الريحة و ذا ما عندج فندي رشي اي عطر رجالي ريحته حلوة

الملابس اللي تصغر على عيالي أو اللي ما البسها نغسلها و نكويها و نحطها بشنطة أو كرتون و كذلك المواعين و غيره و اطرشها لناس يوزعونها على الفقراء و المساكين و حدة قالت لي ما تصدقين ناس من اهل قطر محتاجين لدرجة يقعدون على كراتين ما في بيتهم زل و البيبان مكسرة و الثلاجة تخيلوا بدون باب و غيرها مما يؤلم القلب و مع ذلك ما يطلبون متعففين لولا انها اخصائية و لاحظت حالة البنت و زارتهم جان ما حد درى عنهم .

اخواتي لو تعرفون ناس فيهم الخير نذروا انفسهم لتوصيل الاشياء للمحتاجين ياليت عن طريق الخاص نذكرهم و من الافضل بعد الاستئذان منهم لأن احياناً تريدين ان تتصدقي و لا تعرفي لمن تعطينها
هذا اللي عندي الحين و اذا تذكرت شي ثاني بكتب لكم عنه و ان شاء الله يفيدكم .
ارجو اني افدتكم
يارب اتثبته عند السؤال

للأسف ما اعرف ولا اكدر افيدج في شي

مرحبا بناااات وحشتني سوالفكم...

توته البنوته..لا انا مخلصه مرافعات الدكتور مسوي الرحله لطالباته فقط و للمحكمه الابتدائية و الاستئناف..


ياااربي شكثر اعااااني..صراحه اليونيفورمات شفتهم عند صديقتي تبيعهم وحده من الكويت بس ماعرف رقمها او شلون تشترين ؟؟؟؟؟.......

مس باتر فلاي و ام ياسمينا... اتصلت الحين لرفيجتي .. تقول ما يعرفون رقمها وهي جايبه كميه بسيطه انا بالصدفه لقيتها عندهم جايبه لهم الاغراض من طرف ناس ثانيين بعد !!!



انا اليونيفورم للحين ماستلمته لانه ماعندها الا مقاسات كبيرة اللي باقيه..فقالت بتضيقه و بتجيبه..ممكن اصوره لكم لو تبون

ام صلوحي اكون شاكره لك لو قدرتي اتصورين لنا اليونيفورمات ...