بنات قطر طلب من فضلكم

اختي اذا انتي تعرفين قطر عدل بقولج على شوارع فيها اهم المحلات وفي غيرها لكن انا ما مريت عليها ممكن الخوات يقولون لج

شارع سلوى بداية من العزيزية الى دوار المدماك وانتي ياية من الغرب رايحه شرق كل المحلات او معظمها على اليمين تلاقينها ممتازة للمطابخ سواء المنيوم او المانية عالمية غاليه او عادية ومستلزمات المطابخ وافرانها وحتى اطباق البوفيه في الحلبي ومحل انصار ستي متنوع واسعاره رخيصة جدا مقارنة بالي حواليه....اذا وصلتي دوار المدماك ورجعتي للشارع من الشرق الى الغرب مره ثانية على يمينج تلاقين محلات السيراميك والاضاءات ووغيرها..

شارع المطار متروس محلات مطابخ وسيراميك مثل كافود المطابخ الأمريكية نابينا ارام سيراميك له فرعين في المطار وشارع سلوى ....الدرويش انتقل الى المطار بعد ما كان عند دوار مدماك في شارع سلوى ..



شارع نجمه تتراوح المستلزمات بين الجيد والرديء لكن الحين المحلات العالمية اتجهت الى هالشارع لكونه تجاري ومهم في نفس الوقت تلاقين فيه سيراميك البشري اللي له فرع في شارع سلوى ..

شارع المرخية فيه محلين مهمين - بالميرا لمستلزمات الفنادق والمطابخ وحذاه بعد محل بنفس الأغراض لكنه يتبع الركن الفرنسي لأنه مديرهم واحد بتلاقين فيه اغراض مفيده جدا للبيت وضرورية مثل الله يعزل حامل سلندرات الغاز ( ترولي ) وزبالة البلدية الخضرا الترولي ادوات خبز الكيكات والبوفيهات ....الخ

الاضاءات في شارع مشيرب ابتداءا من دوار البنك العربي سابقا ( سوق واقف ) الى جمبو للإلكترونيات ومرورا بفندق سوفتيل تلاقين محلات الكهرباء والاضاءة جنب وحول وخلف المنطقة بكبرها ..

المانع للأدوات الكهربائية شارع سلوى ( افران فريزرات - ثلاجات - غسالات واير بول 15 كيلو- ميكروويف ....الخ )- سامسونغ للتكييف وهاير في شارع السد للتكييف لكنه رديء شوي

التلفزيونات وخلافه ال جي شارع مشيرب وافرع ال جي - سوني البيت الحديث جنب مكتبة جرير

وفي بعد في شارع الريان بجنب صيدلية الريم جنب مطعم الحمراء مادري شسمه بالضبط..


الستاير اختي عندج شارع سلوى بالنسبة للراقي والكنترول والغالي ...الجيد والغالي بعد في شارع الأصمخ لكن ابتعدي عن محل اسمه ( الأصدقاء ) من تجربتي الخاصة المريرة ..

وفي نفس الشارع تلاقين سجاد راقي وعادي وموكيت وكله ...وتلاقين بجنب سوق واقف ونتي طالعه من المواقف ورايحه كانج تبين سوق البزار والعطارين تلاقين محلات سجاد متنووعه

واذا تذكرت شي بعد بقولج ^__________^!

السلام عليكم ياحلوه

باسوي لج اقتباس وبارد عليج

السلام عليكم و رحمة الله و بركاته
انا و لله الحمد سأسكن منزلي قريباً فارجو ممن لديها خبرة او فكرة ان تساعدني في الامور التالية :

- افضل محلات المطابخ الجاهزة او التفصيل .......(كيتشنز بجنب المخمل الاحمرهذا للمطبخ واول شي تختارين السيراميك حق المطبخ والكبت على اساس اللون


- افضل محلات خزائن الحائط ...........(اللي حطيته مب عاجبني ان شاء الله حد يفيدج)


- محلات الاضاءة ذات التشكيلا ت الراقية الاسعار المناسبة...(السبوت لايت الكبار زوجي جابهم من الاحساء ارخص بوايد من اهنيه ووالصغار خذناهم من بيوتي وخذنا الشكل الكلاسيك والثريات من بيوتي والثاني من كريستال عصفور)


- افضل محلات الستائر ..........(رغدان شارع الاصمخ)

]- افضل محلات ورق الجدران ..........(ماحطيت في بيتي)

- غرف النوم ذات النوعية الممتازة و اشكال حلوة......(غرفتي الرئيسيه من نابكو وايد حلوه والبنات خذت لهم من هوم سنتر لهم حواجز عشان مايطيحون )

- محلات الاثاث الراقية..........( خذت طقم من نابكو شوفي اللمعروض مستهلك بس لين عجبج يجيبون لج جديد ويلبسونه الخلق قبل لايجيبونه لج واذا بغيتي فريم الكرسي وتجيبين لهم خلق عاجبج عادي مومشكله بس نفس السعر انا لاني دار راسي يعجبني الفريم والخلق لا قالي اهو مستهلك لان معروض من فتره الكلاسيك بس اللي تبينه نلبسه وصج صار حلو وطقم من الرواق)


- اكسسوارات الحمامات ( كالمرايا و حاملات الصابون و الخزائن .. الخ ) .....المرايا سويناها ناعمه عند تلفت اللي في سوق العلي ، حاملات الصابون في كاقود ناعمين والخزائن تحصلين في المحلات الحمامات العاصمه اللي صوب بو عبود )


- اكسسوارات المنزل( كالتحف و اللوحات و المرايا و المزهريات و احواض الزراعة ذات الاحجام الكبيرة .. الخ )

هوم سنتر احواض الزراعه تلقين في سوق العمانيه اذا بغيتي فخار وماحطيتي هالحركات وايد عشان

- السجاد الراقي ....(اذا بغيتي موكيت في الاصمخ احسن نوع الكويتي واذا بغيتي سجاد البلجيكي بس يبيله عنايه والتركي عادي حق اليومي زين

- افران ذات نوعية جيدة ....(احسن نوع مادري من وجهه نظري باناسونيك وبعدين لاتاخذين من كارفور اهو صج ارخص بس التجميع غير والمكيفات خذنا جنرال امدحوهم لنا احسن شي والحمدلله )

وكلن مدح بيتي وعجبيه وبس والصبغ والجبس سويناناعم ولا ترخيم ولا تعتيق واي شي انا حاضره طرشي على الخاص ومن عيوني اللي اقدر عليه تبين صباغ تبين شي في البنيان ولا يهمج نخدمج

وهلا وغلا واي استفسار حاضرين

الاضاءه جوفي انصار ستي في شارع سلوى عندهم اشياء حلوه ..وحتى السيراميك عندهم حلو