تذكرت المطاعم.. انشاء الله بكرة اكتب لج ..

بالنسبة للمجمعات: الستي - اللاند- الحياة بلازا- المول- السلام بلازا- الصالون الازرق
للاولاد: عروض الجليد( جتب السيتي)- مركز المعارض- علاء الدين- برك السباحة والتزلج في السيتي - مدينة الالعاب جنغل زون في الحياة بلازا
الفنادق: الريتز- الانتر- الماريوت- الشيراتون

اخواتي:ام ياسمينا ,الخزامى :
ما ادري وشلون اشكركم خواتي ,جزاكم الله الف خير ريحتوني لاني اول وحده من عيلتنا تروح لقطر وما عندي اي معلومات عن البلد بس البركه فيكم خواتي (رفعتوت راسي قدام زوجي)
بس ابي اسال اذا كان ممكن ,اي الفنادق احلى وارقى ,وهل الريتز مثل الريتز الي بدبي لاني جربته ورهيب
اختي الخزامى عسى جمعتي لي اسماء المطاعم (على فكره ياليت تكون مطاعم مضمونه ومجربتها )ولكل من ساعدني خالص الشكر

ياهلا ام جورية.........
انا شفتج تاخرتي بالرد قلت اكيد انتي بالدوحة...
.. حبيبتي.. في نظري الريتز فخم وايد وبعدة يجي الانتر ...

اما عن المطاعم ياعزيزتي.. عندج المطاعم الشامية (لبنانية وسورية) ومطاعم تركية.. ومطاعم ايرانية راقية والامريكية وايطالية

المطاعم الشامية(والعربية)..المجلس العربي -فينيسيا-الخيمة- فخر الدين -يامال الشام-بخارا عند مجمع التنس-وبجنبة مطعم ايرلندي بقنقز ......

الايرانية.. شبستاان وايد حلو وراقي واكله لذييذ جدا

المطاعم الايطالية تشيليز chilisمادري الاسبللنق صح او لا .. مطعم رائئئع جدا

مطعم ناندوز حلوو اظنة ايطالي كلاتة اغلبها حارة ومتروووسة مايونيز

في بعد مطعم جديد بالكرنيش اسمة راس النسعه يقولووون انة حلوووانا مارحت لة لين الحين...جربية وقولي لي عنه

في مطاعم صينية (انان احب الاكلات الصينية)

مطاعم هندية(نجمة الهند) يم يم واحب الاكل الهندي بعد.. مشاء الله علي مافي شي ماحبة======>بتعطي نفسها عين

هذا اللي تذكرتة الحين.....

متى بتشرفونا بزيارتكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا ممكن اساعدج في المطاعم بعد:
اولا : الماريوت( البوفيه) تقريبا احلى مطعم في قطر. واذا تحبين الصيني في هناك مطعم صيني ياباني وفي مطعم مكسيكي
ثانيا: الجولف( قريب من الريتز) وفي قعدات على التراس واكلهم حلو وايد وقعداتهم حلوة
ثالثا: يمدحون الانتر كوننتال بس بصراحة ماجربته
بالنسبة للريتز اكلهم مب لين هناك وخسارة الفلوس فيه
رابعا: البطروس في فندق البستان وهذا اكلهم لبناني ويعتبر احلى مطعم عربي في قطر
في مطعم اعتقد اسمه بلهمبار في الكورنيش وهذا يمدحونه وايد واكله خليجي شعبي
وعندج نشيليز وابل بيز( مكسيكي)
وشبستان ( ايراني)
طبعا هذي احلى المطاعم في قطر واغلبها فيها قعدات حلوة

بالنسبة للريتز هو احلى فندق في قطر وفيه برك سباحة حلوة للكبار والصغار