بنات قطر لو سمحتوا فيدوني

السلام عليكم ،

أختي اللي فهمته منك أنج تبين تبيعين بضاعتج بالمعارض اللي تسويها
قطر .
فاذا كان مثل ما فهمت فالمعارض اللي بقطر تنظمها عادة وزارة الاقتصاد بقطر وبالتعاون
مع البنوك ومؤسسات أخرى وتجمع لنا بضائع لشركات ومحلات من خارج الدولة
وبصراحة أحنا بالدوحة ما نصدق تصير عندنا معارض ، فتلاقين الاقبال والازدحام عليها خاصة برمضان وقبل الاعياد
وتعالي على الاسعار منهم من يستغل كثرة الناس ويبيع لاكثر من واحد بسعر مختلف
صديقتي باع لها واحد سورى جلابية بسعر 250ريال وقالها هذا سعر لا تقولين لاحد عنه
خاصة لج ، وتشوف وحدة من الحريم اللي أشترت من عنده وتقولها بكم عطاج تقول ب150ريال
شفتي أشلون الطمع والاستغلال .
فلا تسوين مثلهم عشان تكونين لج زبائن وممكن مستقبلا تعطينهم أرقامج بالبحرين أو تفتحين محل عندنا .
وبالنسبة للتكاليف أعذريني ما أعرف .
بس أختيارج للدوحة لبيع بضائعتك أختيار جيد .
وأحنا بنتظارج بالدوحة "" حياج الله وموفقة ""
واذا عندج اي أستفسار آخر حاضرة .

للرفع

لان عندي طلب نفس طلب الاخت نجلاء

يليت تفيدونا يابنات قطر

حبيبتي لازم تسألين في أرض المعارض عن المعارض القادمة (كان ودي أسألج بس والله مب في الدوحة )

وحياج الله في دوحة الخير :)

ارض المعارض تصير فيها معارض كبيره من كل دوله

انا اتمنى لو في معرض صغير ..

يعني مثل المعارض اللي تصير في البحرين والكويت

لوازم المراه مثلا .

يليت وحده من تاجرات دولة قطر تنظم لنا مثل هالمعرض ... تراه فرصه لان مثل هالمعارض مو منتشره عندكم ..

هلا الغاليات ..

واختي شموخ .. جاتني رسالتج ومن ضيق الوقت ما اسعفني اني ارد ..

المهم انا قطرية بس متنقلة بين الامارات وقطر يعني اغلب السنة بالامارات ؟؟

وبخصوص المعارض ..

حاولت كذ وحدة من التاجرات يسوون منهم جرحي عميق .. وام شهد ..

بس محاولاتهم .. انتهت الى لا شي ء

مع انهم كانو حددو الاسماء والانشطة .. والسعر رمزي .. والمكان ..

بس مدري اش صار ..؟

انا مثلكم ودي .. اشترك بمعرض .. بقطر لاني هناك ادل واعرف وكل الامور متيسرة لي هناك عند الاهل ..

بس
العين بصيرة واليد قصيرة ..