بنات قطر ممكن مساعده خفيفه

هلااابج حبيبتي في بلادج ودارج... العين اوسع من المكان يالغلااا...

حبيبتي عندج بالكورنيش كافيه راس النسعه جنب نادي الدوحة كافيه حلووو على البحر وحديقه البدع حلوة بعد ...

وعندج يالغلاااا مجمع اللاند مارك وحياة بلازا والمول...

ورويال بلازااا وبوينت سنتر بشارع السد...

وفي كافيهااات واجد بطريق سلوى جنب المطاعم مثل
((هوى بيروت_لاميزون ستاربكس ))وغيرهاا كثير بنفس الشارع...

وأنا حاضره لأي استفسار ثاني ....

اختي حياك الله بس ما انصحك بستي زحمه هالايام
روحي حياة بلازا هادي ورايق

والله في وايد اماكن

اول شي المجمعات

الستي سنتر والمول واللاند مارك وحياة بلازا..وفي مجمعات وايد تقدرين تسالين اي احد

الاسواق
سوق واقف وهو سوق شعبي قديم وكبير وايد (يحتوي على عبايات واقمشة وملابس جاهزة وعطورات واعشاب طبيعية ومكسرات يعني شامل كلشي وارخص من باقي الاسواق بوايد)
وتحصلين بعد
سوق الاحمد (فيه اكثر شي ملابس جاهزة وعبايات وهدايا وبعض محلات الالكترونيات )
وسوق الجبر(ملابس جاهزة وعطورات وشنط وهدايا وساعات واكسسوارات وغيرها)
وسوق الديرة (للاقمشة واقشمة الفساتين)
وكلها اسواق في منطقة وحده

مناطق للسياحة
كورنيش الدوحة وفيه مطاعم وكافيهات ومقهى
كورنيش الخور وفيه حديقة وعلى البحر وبعض العاب الاطفال
كورنيش الوكرة مكان هادي على البحر وفيه صيادين وبياع السمك
الحدائق
حديقة دحل الحمام حديقة جميلة جدا خاصة ايام الجمعة والخميس تكون مليانة ناس
حديقة البدع تقابل كورنيش الدوحة
شاليهات سيلين
شاليهات الغارية
وان شاء الله باقي الاخوات يفيدونج اكثر

والله ماخيبتو ظني فيكم يابعد عمري أنتو

يسلموووووووووووو على هالمعلومات الحلوه
وأول مره أسمع فيها ماشاءلله عندكم أشياء كثيره
أنا توقعت يوم يكفي
طيب متى تنصحوني أجي أي يوم يصير الأماكن كلها مفتوحه
وفي نفس الوقت مايصير زحمه لأن زوجي مايحب الأماكن اللي فيها زحمه
احنا الحين أجلنا جيتنا لين يخلص الاكتتاب عشان الزحمه وماجينا في المهرجان لنفس السبب

متى تنصحووووووووووووووووووني وياربي تخليكم

هلااا حبيبتي أشواق...
أنصحج تجين بنص الاسبوع يعني الثلاثاء والاثنين والاربعاء خلال هالايام مافي زحمة....

والاماكن اللي ذكرناها لج حبيبتي خلال الايام اللي ذكرتهااا تكون رايقه والدوحة عموما هاديه..
ولافيهااا زحمة واجد...

تروحين وتردين بالسلامه انشالله..