السلام عليكم
مبروك عليكم الشهر
الحمد الله السنة مبتعدة عن التلفزيون ولا اتابع شي
بس اشوف اشوي من المسلسل القطري الي فيه حياة الفهد والي فيه غانم السليطي
والله قهر.............شهالقصص......حد يشوه سمعة بلاده بهالشكل
مطلعين اهل قطر كلهم بخلا وسكارين وقاطعين للرحم
لازم نشتكي .....انتكلم.....علشان يوقفون هالمسلسلين

لا والشخصيات التعيسة....أم تكره بنتها......أخوان حالتهم حاله.....محد يساعد الثاني
وكلمات بذيئة

بالعكس انا تعجبني مسلسلات وداد الكواري ما اطلع الا الواقع وهذا الواقع الناس اكثرت افلوسهم واستبخلوا وترى المجتمعات الخليجية كلها نفس الشي بس الزين بوداد انها اتيب قصص حقيقية مب من خيالها ..وجوفي عندج مسلسلات فجر السعيد ماطلع غير الطبقه الغنية وين الفقاره؟ وين المشاكل ماهمهم غير الفلوس .. خل وداد تنبه الناس عن الوصل وعن المساعدة مب كله اللهم نفسي

الواقع الي تقولين انها تبرزه في مسلسلاتها مايمثل إلا جزء بسيط من مجتمعنا، أو بالأصح جزء دخيل عليه بينما تهمل الجزء الأكبر ماتجيب له طاري. الحمد لله الناس في قطر والعوايل متراحمين ومتكافلين ....وأسلوبها في طرح المشاكل غلط بصراحة فيه إساءه للبلاد وأهلها. يعني عمرها ماجابت عايلة طبيعية،دايما فيها ستين ألف مشكلة....ناس نفوسهم خايسة وناس حراميه وناس سكارين وناس ياكلون حقوق أهلهم وأخوانهم وبين كل عشرين واحد طالح واحد بس صالح.والله لاعت جبدنا.يعني الي صار في حلقة اليوم ممكن يصير في بلادنا حتى وطني الحبيب صباح الخير يوقف ضد صاحبة المشكلة وأمها ماتبي تسلفها 4 ألاف؟؟؟؟؟
على الأقل فجر السعيد ولو أن لي تحفظ عليها كتاباتها معتدلة تجيب مشاكل نوعا ما معقولة تصير يعني...وطاش ماطاش يجيب قصص من واقع المجتمع السعودي بصالحها وطالحها.

السلام عليكم ورحمة الله
مبارك عليكم الشهر ولو انها متأخره
وجرحي عميق عظم الله اجرج