السلام عليكم
لون المطر حتى انا باسندرج بالأسئله انا اسناني تحتاج تقويم وسنة 99 كنت اروح للدكتور نواف عشان التنظيفات والحشوات اللي قبل التقويم وكنت وقتها بالجامعه والمواعيد بالموت تحصلينها واترك محاضراتي واخرتها حشوه مؤقته على ضرس واحد ومن بعد نطره ماتقل عن ساعتين لان هالدكتور مايلتزم بالمواعيد لا اللي يعرفهم بدون موعد يدخلهم ومره نقعني وانا انتظر الا ناس ادش قبلي وهو موعدي اصلا ودشيت خذت كرتي وطلعت ومن يومها ماكملت رحت من يومين عياده خاصه قالي ب10 آلاف قالت لي وحده في رميله ببلاش تسوينه بفلوس وبنفس المده عاد انتي تشوفين من احسن دكتور للتقويم عشان اسوي موعد بعد العيد ويكون ملتزم بالمواعيد

جروح بالنسبه لأخت زوجج انتي تبين تسوين لها توزيعات ؟

وعن افاله العيد انا مثلج قاعده ادور شي جديد الاعياد الي راحت خذت من جولي بي رنجينا (حلوة الصراحه) ورهش وبقلاوه مقطعين صغار وسويت الاناناس. وخذت كافي من شوبان
وخذت فطاير وسندويشات صغيره من الاليزيه


هالعيد ودي بشي جديد باشوف الي قالت عنهم باستا وما زلت ادور

ان خلفوه دكتور نواف ما يسوي تقويم .. لازم تخلصين حشواتج قبل التقويم

(قالت لي وحده في رميله ببلاش تسوينه بفلوس وبنفس المده ) ما فهمت حبيبتي قصدج ببلاش والا بفلوس

لان العياده المسائيه الخاصه (الي يوم الاحد والثلاثاء العصر) مواعيدهم اقرب واسعارهم اعتقد في حدود 8 الاف واقل بس مش متاكده بس العادي قائمه الانتظار لحالات التقويم سنه على اخر خبري بهم .
نصيحتي خلصي الحشوات في رميله او في مركز صحي اسرع وعقب شوفي التقويم

ام حمد انطر وصفاتج
اقترحي علي شي تحسينه سهل ومقاديره تضبط يعني عشان ما اييني احباط وجدتي تنقد علي خبرج كبار السن الا يدورون عيب .. :) في انتظارج

تبغين البلاليط سهل بس اشتي نوع بنزاني يضبط
حطي جدر فيه ماي يغلي مع ربع باكيت زبده
اذا غلى عدل الماي حطي البلاليط وخليه دقيقه بس وصفيه بالصفايه
في الجدر حمسي بصل وفوقه البيض
وخطي على البلايط اربع فناجيل سكر مع هيل وزعفران

وبعدين حطي البلاليط فوق البصل والبيض وخلطيه شوي وحطي قطعة زبده ودخليه الفرن

وجهزي قروص بيض للوجه ديكور