البنات الي يسالون عن فساتين الخبر احلى المحلات تلقينها في مجمه الجمعه الي قريب من الكورنيش عند المريديان محلات سهرايه وصبا وغيرها وخاصه المحلات الي بالدور الثاني

فساتين سهره في جمعه سنتر في الخبر على طريق لكورنيش في الدمام في مجمع الواحه في محل في الطابق الارضي عنده فساتين وايد حلوه في الدمام عند الاماره شارع الحب كل محلات فساتين سهره

بعد في مجمع الراشد في الخبر كم محل عندهم فساتين حلوة

أم حمد القطرية
سلامة الوالدة ان شاء الله , قدامها الصحة و العافية امين .

قطراوية
منتي بسهلة !!! تدلين في الخبر و الدمام احسن مني !
أزيد في مجمع الظهران ( جديد ) فيه محلات تبيع سهرة + الراشد زي ما ذكرتي + الجمعة سنتر + شارع البيبسي فيه محلات + بوتيك ميموزا قريب من فندق المريديان .

دمعة حزن بالنسبه لربشه بصراحه غالي على الفاضي تحملي تغامرين وتفصلين عنده اولا الموديل يرسمه لج في شي والتفصيل شي ثاني وما عنده جاهز انتي تفصلين عنده وغالي على شي مايسوى ولا يخلص في الموعد .. انتبهي لاتطيحين فيه مثل ماطحت انا وخيطت عنده لعرس اختي قطعتي شاريتها من الخبر 2000 تجنن وروعه خربها وفوق ذا خذا مني على موديل بسيط 1600 بس كنت مضطره ماعندي وقت او بديل .. هذا بالنسبه للفساتين اما الجلابيات ففصلت حماتي عنده حدث ولا حرج مو مثل ماطلبت رغم انها مختاره موديل هو مفصله من قبل بس غيرت الالوان بس دمر الجلابيه وزياده على كذا ماخلصها بالوقت المحدد وكله يماطل فانصحج ماتروحين له .

اما بالنسبه لاجياد فهو يفصل جلابيات حلوه وفخمه و جلابياته على غلاها تستاهل روحي وشوفي .. ارجوا اني افدتج بشي .وبالتوفيق .