حركات على الطبااخه .. ترى اذا ضبطت معاج اكله كل يوم بتتفنين بشي
وهالشي حلو والله ..وتستانسين اذا هلج واهل ريلج مدحوووج :30:
والاهم ريلج ..وعيالج ..
انا استانس اذا طبخت .. احسها متعه خاصه السويت :D
بالنسبه لحلى الشمواه عندي من زمان ولافكرت اسويه الا امس ...
مسويه ريجيم وما ابي اخربه ...بس طلع يجنن ...ويستاهل تسوينه ومايحتاج شي سهل وايد ...وخذته معاي الدوام ..والكل طلب طريقته والله.. وقالوا ان شكله جاهز :39:
وهذي الصوره اقرب ..
حركات على الطبااخه .. ترى اذا ضبطت معاج اكله كل يوم بتتفنين بشي
وهالشي حلو والله ..وتستانسين...
لقيت وصفة حلى الكاسات
المقادير :
1 علبة بسكوت أولكر مطحون العلبه الكبيره (175 غرام)
1 كأس ماء
1ظرف دريم ويب
1ظرف كريمه (اللي هو كريم كراميل)
1فنجال قهوه حليب بودره
3ملاعق كبيره شوكولاته نوتيلا
1ملعقه صغيره نسكافه
شوي قرفه (( اذا ماتبينها لا تحطينها ))
الطريقه :
اخلطيهم كلهم جيدا بالخلاط الكهربائي وبعدين جيبي كيك سويسرول امريكانا الصغير بالشوكولاته
وقطعي كل كيكه ثلاث قطع وجيبي الكاسات الصغيره.. حطي كل قطعه بكاس
يعني كل كيكه راح تكفي ثلاث كاسات وصبي الخليط فوق الكيك وبعد كذا تفنني في التزيين..
اما انك ترشين الوجه بفليك مثل اللي بالصوره لأنه هو اللي كان متوفر..
او تغطين الوجه بكوكوبفس((تعرفونه الكورن فليكس اللي بالشوكولاته)) وتحطين فوقه نعناع
يطلع شكله كأنه نبات صناعي شكله روووووووووعه..
او انك تطحنين بسكوت اوريو وتحطينه على الوجه..
تفنني انتِ عاد بالتزيين..وبرديه في الثلاجه وقدميه..لو ترصينهم بصينيه خشبيه يطلعون روعه..
((يمكن شكلها عادي بس طعمها لذيذ))