um hissa :

جروووح -79 الحمدلله على السلامة , عاد امس افكر فيك , و أقول مدري شأخبارها ؟ ان شاء الله انبسطتي في الخبر ؟ انا كنت هناك خميس و جمعة وسبت , :D ما شفتيني ؟ فديت بناتي بعد انا أمس مشقرة حواجبي , بس عند صالون حنان , بس توبة اروح له , صراحة قرفت ! المحل مش نظيف , و لا! انتي اللي تغسلين التشقير بنفسك !!!! عليهم زحمة , و شغلهم حليو ... بصراحة نفسي في وحدة تشقر مثل " النمص " ( استعملت هالكلمة عشان ام حمد القطرية صادقة لا نكذب على أنفسنا و نقول تنظيف ) .... فيروز كنت أروح لها أيام ( الجاهلية ) ... بس تشقير ما جربتها , بروح لها مرة ثانية ان شاء الله , بس الله يعيني على مواعيدها و" الزرعة" عندها .... فديت بناتي ... الله يثبتك ان شاء الله .... انا صار لي سنة و شئ الحين ,,, صحيح مش مثل " النمص " بس ماشي الحال ,,,, لاني والله تاركة هالامر لله, اللي يغضب الله لأجل رضا الله فقط ,, والله يجازيني خير و يبدلني خير منه , ان لم يكن في الدنيا , في الاخرة .... و الاخوات اللي يفكرون مثل تفكيري سابقا ( انها مسألة حللوها بعض العلماء و حرموها البعض , وذنبي في رقبة اللي حللها ) أقول انا أقنعت نفسي بالحديث عن الرسول صلى الله عليه وسلم : ( دع ما يريبك الى ما لا يريبك ) ومن بعدها الحمدلله نويت التوقف عن " النمص " لاني قلت ما تسوى علي كم شعرة تقعدني في النار للأبد , لان المسألة فيها " لعن " :( يعني ما لي أمل ! تجيني فترات يوسوس فيني ابليس اعوذ بالله منه , و أقول : شكلك بيطلع أحلى , و أرتب , و المكياج في العين أجمل بكثييييييير . بس والله اتعوذ منه بزعل وهواش كانه قدامي :) و أتفل عن يساري ( من عندي هذه التفلة , بس اكون جد محترة منه و ما عندي الا هالطريقة :D ) ... ادعوا لي بالثبات ,,, والله يهدي الجميع ان شاء الله ...

جروووح -79 الحمدلله على السلامة , عاد امس افكر فيك , و أقول مدري شأخبارها ؟ ان شاء الله انبسطتي...