عيدكم مبــــــــــــــــــــــــارك

هلا وغلا والله...


كل عام وانتو بخير

والعيد عليكم مبارك


الحمد لله اخيرا خلصت الفاله...والله انهد حيلي يابنات...بس العيد وبركته...

ان شاء الله اصورها لكم...
بالنسبه لي انا اسوي شعري بروحي والحمد لله كل هلي يسئلوني من مسويه لج....اقولهم انا :( ما يصدقون..
والله يابنات لازم نعتمد على نفسنا...وشلكم بالرجه والزحمه وعوار الراس...
والله احسهم يذلونا ذل...حسبي الله ونعم الوكيل...
الله لا يحوجنا لهم...

المهم ما ابي الوع جبدكم دخلت ودي اسلم عليكم واعيد عليكم كلكم فديتكم...
العيد فرحه...واجمل فرحه...كفايه اللمه الحلوه وصله الر حم عسى الله يتقبل منا ومنكم



احبكم في الله

السلام عليكم ورحمة الله وبركاته

ومساكم ورد جميعا

وعيدكم مبارك

وعسى ايامكم كلها اعياد وفرح

يشرفني انضم لبنات بلاجي في هالتجمع الحلو

واشكر اللي عزمتني ماقصرت :)

ونشوفكم على خير

فمان الكريم

صج انه متأخره وايد بعد بس سمحوا لي
لاني ماشفت انكم تبون طريقه بسكويت النسكافيه الا الحين لاني توني داخله المنتدى
من نزلت الصور رحنا بيت اهل زوجي وتفطرنا عندهم وبعدين رجعت نزلت اليهال في البيت ورحت اشتري جواتي لهم الله يعزكم ورحت وخذت لي كم مشوار على الماشي وخبركم الزحمه ماشاء الله المهم انا مب مطوله وبحط لكم الطريقه وهي سهله حتى لو تسونها الصبح ماتاخذ منكم وقت


المقادير:

500 غرام زبده
4 ملاعق اكل سكر مطحون
ملعقة صغيره بيكنج باودر
4 ملاعق اكل نسكافيه
طحين تقريبا كيلو

الطريقه:
نخلط الزبده + السكر + النسكافيه
ومن ثم نضيف لهم البيكنج باودر
ومن ثم نحط الطحين حتى تصير عندنا عجينه لينه
ومن ثم فرديها وقطعيها بالقطاعه مالت البسكويت
خليه الفرن اول من تحت ومن ثم من فوق
بعد ماتبرد اخذي شوكولاته نوتيلا حطيه في كيس وفتحي فتحه صغيره وسوي تشكيله على البسكوت ورشي فستق وبالعافيه
تراه لذيذ جدا :)
واسفه مره ثانيه على التأخير

باستا بالنسبه للفطور

ممكن تفوحين بيض ون ثم قطعيه صغار ضيفي له فلفل اخضر مقطع صغار وحطي جبن كرافت القلاصات خلطيهم مع بعض حطيهم على التوست وحطي جبن مبشور فوقه دخليه الفرن طعمه لذيذ وبيعجب اليهال