بنات قطر وكل البنات يتفضلون عندي سوال بخصوص ؟؟؟؟

انا من بنات السعودية
وسويت الليزر ودفعت عليه مبالغ هائلة
بس للاسف ما زادني الا اسمرار وبقع وهو معروف يسوي حروق تقعد بالستة شهور واكثر ما تروح

وليس هناااااااااااك نتيجة ابدا
والله العظيم ما اكذب عليك ان الشعر الخفيف صار اسووود وثقيل حسبي الله عليهم
ورجعت للحلاوة الله لا يحرمنا منها والليمون
ونبات السعد مطحون >عند العطار < مغلي في الزيت ومصفى
اتمنى اكون افدتك
ويمكن حطمتك سامحيني
وعلى فكرة انا رحت لكذا استشارية
وكلهم ضروني ما نفعوني

هلا .. باقولج تجربتي
اول شي سويت عند الما لان الكل يمدحها بس حرقت ويهي حرق مب طبيعي وتوها بدت الاثار تخف شوي مو وايد .. تخيلي حتى ثلج ما حطت وانا ما كنت ادري شالسالفة وكان يعور وايد الجهاز
بعدين رحت عند جراحة التجميل عند وحدة مصرية بس مو محجبة سويت ويهي كامل وماشاء الله عليها لا اثار لا بقع ولا شي
المرة الثالثة طلبت هل الدكتورة قالوالي سافرت وما بترد طلبت مروى
اول مرة اوكي بعدين اخر مرة اللي هي قبل اسبوع تقريبا علامات الجهاز بقعت في ويهي ولين اللحين الاثار :(
مدري شاسوي وراي عرس اخاف يوم العرس اسوي ليزر ويبقع ويهي
المهم هو وايد اوكي من ناحية الشعر لان الشعرة تخف وايد اذا كانت خشنة يعني اول مرة خذت شهر عقب شهر ونص تقريبا بين الجلسات

بس مدري انتي اذا بتروحين جربي حسن عبد الله يمدحونه عنده وحدة زينه ..

شوفي عيوني.. انا شخصيا ماجربت الليزر جربت الكهربا عند سلم لاين.. وبصراحه كان رووووعه.. بس المشكله انه يكلف ونتايجه مب مضمونه..


وبالنسبه لليزر.. قريباتي كانوا يروحون عند الما ويمدحونها واااااااااايد..

و في بعد من قريباتي كانوا يروحون البحرين يسوون ليزر عند غازي.. وماشالله النتايج روووعه.. لان قبل لايتعالجون كانت وجيهم الله لايراويج شنب ولحيه ويبيله كل يوم خيط.. لكن بعد الليزر ماشالله مااشوف فيهم شعر مثل قبل..

وعلى العموم كلهم ماشفت فيهم لاحبوب ولاحرق..

وما انصحج تروحين لحسن عبدالله..

انتي جربي الليزر عند الما.. وان شالله بتلقين نتيجه حلوه.. :)

انا عملت عند آلما الرفاعي مع ان الكل يمدحها وانا شفت شغلها على قريباتي وكانوا يمدحونها لكن يوم عملت عندها تحسفت قد شعر راسي والله .. اول شي سريعه والحرارة عاليه وانا حنطية واللي في ويهي ماكان شعر كان وبر يعني خفيف ومايستحمل حرارة قوية .. لكن حسبنا الله ونعم الوكيل .. وتعبت من ازاله البقع لكن شسوي ما باليد حيلة :(

ويمدحون عايدة في عيادة حسن عبدالله يقولون حليوه ويدها خفيفة وشفت شغلها بعد .. والزين اللي فيها تعمل لج تجربة في منطقة عشان اتطمن ويرتاح قلبي ...

والله يعيني على الجلسة الثانية مادري وين اسويها :( ..

انا بصراحة اسوي ليزر في مستشفى العمادي ساعات عند الدكتور عادل
وساعات عند أخصائية الليزر شيرين , انا انصحج سوي عند شيرين لانها
مرأة وتسوي لج بهدوء مب بسرعة , والليزر يعور بس مب وااايد وهو يأثر
على اللي بشرتهم سمرة وحنطية بس الاثار تروح مع الوقت , اما اذا كانت
بشرتج بيضة فاوكي ولا بيتم اي اثر ولاحبوب ولا شي , ويفضل يكون الشعر
لونه اسود لانه ماينفع مع الشعر الفاتح او الاشقر . وهو يخفف شعر الخشن والطويل اللي في الويه ويخليه ناعم وخفيف , طبيعي , بس مايزيله نهائياً .
و اتمنى اني اكون افدتج :27: