بنات قلبي معورني ع ابوي 💔

مساء الخير
بنات انا من شهور وانا ابكي باليوم عشرين مره
وربي اني ادخل عالم حواء عشان اسلي نفسي ونسى
بقولكم الي متعبني
ابوي كبير سن مو كبير مره بس من ٣سنوات صار ينسى معاد يعرفنا
كنت اجي عنده مايعرفني يسال امي هذي مين وربي شي موجع
وبشهر ٧ الي فات صابته جلطه بالمخ وعدت بس بعدها صار مايتحرك ابد ولا يقف ولا يجلس
حتى اكل معاد ياكل بس يشربونه سوايل بالغصب بعد
وبس اتذكر ابوي يوم كان يمشي 💔 ويسولف كان يحب بنتي كنت مطوله شعرها و مسميها ام شعر طويل
😭😭😭😭😭
قسم جالسه اكتب لكم ودموعي تذرف
صرت افتح ل لابتب عشان اشوف ابوي بزواج اخوي وهو وقف ويستقبل المعازيم كل يوم اشوفه وبكي وبكي لين اتعب
حتى زوجي ماخليه يدري بس يلاحظ علي اشبها عيونك اقول فيني حساسيه
هالحين اقول ياليت صورت ابوي بكل لحضه حتى وهو يمشي عشان دايم اشوفه 😭😭
صار كل شي يذكرني فيه حتى بسكوت كان يجيبه لي ونا صغيره جابه زوجي قالي شوفي جبت بسكوت قديم تذكرينه
امتلت عيوني دموع تذكرت ابوي كان يجيبه لي وانا صغيره
كنت اقوله يبه عطني فلوس يعطيني ٥٠ريال
ذحين اذا شفت ٥٠ ابكي
ياربي صار كل شي يذكرني ف ابوي
صح ان ابوي عايش الحمدالله
بس صار مايعرف احد ولا يجلس نسى كل شي
حتى الاكل نسى كيف ياكله 😭😭
بالعيد بكيت لين شبعت تذكرت ابوي وهو يلبس بشته يروح يصلي صلاه العيد
صدقوني الابو مستحيل احد يجي مثله
اجلسو مع ابوانكم اشبعو منهم دامهم عايشين وبصحه وعافيه
قبل لاتندمون بعدين