بنات قلقة ومحتارة !!

مساء الخير جميعا ، بنات حواء لولا معزتكم عندي وثقتي فيكم ما حكيت لكم اللي أنا فيه . عزيزاتي : أنا تقدم لي شاب ولله الحمد ما عليه ، ومرتاحه له وأيضا أهلي مرتاحين له . المشكلة اللي تؤرقني هي أنه آخذ راحته هو وأهله ، بمعنى لما تقدمت أمه تخطبني جلسوا بعد الزيارة اسبوعين لا حس ولاخبر ، بعدين جاء هو يتقدم بنفسه لأبوي ، وواعده أبوي بعد اسبوعين علشان يرد عليه ، بعد ما عطاه الموافقة طلب يشوفني ، وشافني وارتاح ، بعدين اتصل على الوالد بعد ثلاث أسابيع بالتماااام وقال إنه راح يزورنا هو وأبوه ، وزارنا بالفعل ، وبعد الزيارة بعد لا حس ولاخبر بيكمل اللحين اسبوعين ....
بنات ما دري هل هذا التأخير ( من عنده ) شي طبيعي والا لا ، أفكر أحيانا إنه متردد ، أو ماله رغبة في الزواج ، أو عادي متى ما تزوج ماهو متحمس وأنا أحب اللي يجي متحمس وفيه رغبة كبيرة للارتباط .
بنات اللي مرت بمثل هالتأخير تقولي ... وش شعوره وكيف تم الأمر بعدين .
وهل صحيح ان اللي يحب يحرص على الارتباط بسرعة .
طمنوني الله يطمن قلوبكم .. :44: