الله يشفيك يااختي ويرزقني واياك وجميع الاخوات بالذرية الصالحة.

الله يصبر قلبك يااااااااارب .........


ترى الصبر صج انه مر بس بعد الصبر حلاوه ياختي ..

والله يشافيك يااااارب ويعافيك .......... وان الله ماعليك الا العافيه ..

انتي ماخذه منشطات ولا الكيس من نفسه طلع ؟؟؟؟؟

انا بعد كورس التلقيح صار معي نفسك بالضبط !! بس الحمدلله انزلت الدوره وراح الكيس

عساه مايرجع لا لي ولا لك قولي آميييييييييييييييييين .....

يا حبيبتي لو حطيتي قدام عيونك ان مالك الا الصبر راح تصبرين
ولوحطيتي في بالك ان الوقت اللي ربي كاتبه لك انه يمر عليك لحد ما ييجي الفرج هوهو ماراح يتغير سواء صبرتي والالا
لوحطيتي هالشي في بالك راح تصبرين
ولوقلتي لنفسك ان هالابتلاء اللي ربي يختبرني فيه لو صبرت بياجرني ربي ولو ما صبرت بيفوتني الاجر ويمكن احصل عقاب من الله
لو قلتي لنفسك هالكلام وان هالوقت اللي ربي محدده قبل الفرج راح يمر علي راح يمر ما منه مفر
مادام كذا احسن لي يمر وانا صابرة وعلى اجر احسن ما يمر وربي ساخط علي
واكيد تعرفين الحديث اللي عن الابتلاء ان من رضي فله الرضا ومن سخط فله السخط
وبعد تذكري قول الله سبحانه:( انما يوفى الصابرون اجرهم بغير حساب)
يعني قولي لنفسك يا حظي لو صبرت راح احصل اجري بغير حساب .....تخيلتي؟؟؟؟؟؟؟؟؟؟
ومن اللي يعينك على الصبر بعد انو تشوفي اللي مصايبهم اكبر
مثلا لو انحرمتي من الخلفة سنة في غيرك سنتين وثلاثة او سبعة زيي انا والحمد لله على كل حال
وفيه اللي اعظم من كذا ناس الله يعافيهم ولا يبتلينا قضوا زهرة شبابهم في المستشفيات اما امراض او اعاقات او حوادث يتمنوا بس يعيشوا زينا طبيعي ..........تخيلتي؟؟؟؟؟؟؟؟؟؟؟
وقبل لا اختم كلامي واسمحيلي ان كنت طولت اباقولك شي
بيجيك الشيطان ويقولك اللي تقولك اصبري هذي وحدة مرتاحة ما عندها مشاكل ولاتشيل هم قلبها بارد
واللي ايده في الماي مو زي اللي ايده في النار
على طول تعوذي بالله من الشيطان لاني انا كنت في بداية مشواري في سبيل الحصول على الحمل وفي قمة المعاناة كان لما حد ينصحني اقول كذا
وحتى لو اللي نصحتني صار لها10 او15 سنة ما خلفت اقول ياحظها يمكن ما في قلبها مثل النار اللي بقلبي يمكن زوجها معوضها بشي ثاني اواهلها مراعينها اووظيفتها منسيتها اواواواو
المهم ما اتخيل اني ممكن اصبر ابغى احمل اليوم قبل بكرة
ولكن سنة بعد سنة ومع تعب المواعيد والابر والانتظار ووووووووووووووووو
خلاص ايقنت ان مالي بعد الله الاالصبر
صحيح احاول اسوي اللي اقدر عليه من الاسباب لكن ما افترض اني هالشهر هذا اكيد حامل لا اقول لنفسي لو هالشهر حملت الحمد لله ولو لا برضو الحمد لله لكن بجرب شي ثاني او استمر في كذا
يعني مااحط ابدا امل قدامي انه100% هالشهر حامل لانه اللي يحصل اني اتحطم واظل اعيش الصدمة الى الشهر اللي بعده وهكذا لما ضاعت سنوات من عمري ما طلعت فيها باي شي
ادري انه صعب لكن حاولي تشغلي نفسك ويمكن انا انصحك بشي انا ما طبقته لكن بحاول في اقرب فرصة علشان عمري ما يضيع واكون ما حصلت دنيا ولا اخرة
هالشي هو انك ترتبطي بدوام ينتشلك من اللي انتي فيه سواء تلتحقي بالتحفيظ او تاخذي دورات كمبيوتر او تجميل اواواو حسب ما تحبي المهم تنغمسي في شي تحبينه لما ربي ياذن بالفرج
والله كريم يفرجها علينا وعليكي وعلى كل مسلم يااااااااااااااااارب
ومرة ثانية اعتذر اني طولت لكن حسيت فيكي لاني بالبداية عانيت مثل ماعانيتي ولاالومك لكن حبيت اساعد باللي اقدر عليه والسلام ختام

صبر جميل والله المستعان

الله يرزقك بإذن الله قبل دخول شهر رمضان الكريم

يا عيوني انت

والله ما في اجمل من الصبر ... الرسول عليه الصلاة والسلام قال ان الصبر ضياء .. والله تعالى شبه الشمس في القرآن بالضياء أي ان الصبر كا الشمس محرقة ولكن نورها يغطي المشرق والمغرب .. مرات الشيطان يضحك علي ويقول انتي ما استانستي بحياتج مثل غيرج شوفي اللي خلفت على طول كيف مستانسة مع عيالها وما عندها الهم اللي انتي عندج ليل نهار ولكني ارد عليه واقول ان الله تعالى عادل وانه اذا اخذ من حد شي لابد انه يعوضه بشي بداله ان لم يكن في الدنيا ففي الآخرة وبعدين مافي انسان مو مهموم بها الدنيا وكل ما كبر الهم كبر معاه الاجر بس بشرط ان يقترن الهم بالصبر .. واذا ما قدرتي تصبرين حبيبتي اتصبري واكسري هاي النفس ومن يتصبر يصبره الله واللي يفتح المجال للشيطان ووساوسه فان كيد الشيطان عظيم

فاغلقي في وجهه كل السبل واجعليه ييأس من اغوائك حتي تنالي اجرك بغير حساب باذن الله (وكفى بها هدية من رب العالمين على البلاء)