بنات كلية العلوم بالدمام ...ادخلوا ابغاكم ضروري

السلام عليكم ورحمة الله

حياكم الله

هذا صديقتي يا بنات مررررررررررره متأزمه و محبطه واكتئاب حاد فيها

والسبب كليه

والسبب انها ما نجحت في الترم الاول اخذت معها 4 مواد :(

يعني باقيه للاعاده وصار لها اسبوع ما داومت من نفسيتها وحالتها والقهر اللي بداخلها حاسه انها انظلمت في التصحيح والعلامات وسقطت في 4 مواد :icon33: هي صديقتي واحها وطيوبه وادري عنها وعن مذاكرتها كيف ..للامانه هي تذاكر ومجهودها على قدها يعني مو ذيك الشطاره والاجتهاد ولا هي مهمله وكسوله
يعني تتعب على روحها وتذاكر
عاد لما شافتنا نجحنا احنا صديقاتها وهي لا حسيت بالقهر بداخلها والله مو حسد فينا ادري فيها وطيبة قلبها وروحها الحلوه مو من هالنوع هي بس اكيد الواحد بينقهر اذا نجح صديقاته وهو يتخلف عنهم
بس من جد من جد نفسيتها في الارض وطفشانه حتى تقول بنقل للرياض بروح اي مكان بس بطلع من الكليه ولا بكمل وحنا نحاول فيها تهدأ تكمل بس هي جدا متأزمه تقول مو متقبله الكليه ولا دراسه
يعني هي من النوع الحبوب اللي البسمه ما تفارقها اليوم صايره ابد والله :( بالموت تضحك والله كلنا حاسين فيها ..

واللي قاهرها اكثر دكتوره مصريه ظلمتها وخلت الحسره في قلبها اكثر
لان علامتها بلامتحان الشهري كانت نازله شوي وسوت بحث صديقتي وعطتها ولا عجبها ولا اخذته مع ان البحث مرتب وحلو وماعليه كلام حتى موضوعه مميز بس الدكتوره نحاسه فيها ما اخذته تقول ما عجبني ومو بس صديقتي اغلب البنات ثلاث ارباع البنات ما اخذت بحوثهم وكلها رائعه من جد تقول ما عجبتني :16:
بس صديقتي حاولت فيها تاخذه عشان ترفع علامتها شوي ولا قبلت الدكتوره
ورحت انا معها ورحت لحالي انا وبعدها مو قابله لدرجة انها قالت اشفيكم يبنات ذابحين حالكم على العلامات انا بعدين اذا صححت ورقة امتحان اي طالبه وحسيت انها تحتاج 7 والا 10 درجات وتنجح بعطيها عشان تنجح لا تخافوا واطمنوا
وكذا مره قالتها لصديقتي وقالتها لي
بعدين تطمنت صديقي شوي وارتاحت ودخلت الامتحان وهي مذاكره عدل وحلت كويس
اخر شي حملتها الماده وعطتها الماده !!!!!!!!!!!!!!!!!!!!!!

والحين صديقتي مررره مقهوره من هالموضوع واللي قاهرها حركة الدكتوره اكثر !!!





بنات اللي تعرف وين نشتكي تعلمني جزاها الله خير .....
وسؤال ثاني ..ممكن صديقتي تنقل من الكليه هنا الى الكليه في الرياض والا الجامعه ؟؟

والله يعافيكم علموني بسرعه لا تطولوا عليّ ما عندي وقت انا مسافره ولازم ارف عشان اقول لصاحبتي

وتحياتي لكم :26: