بنات كل وحدة تسولف لنا عن النظرة الشرعية حقتها قبل الزواج وش صار معها

رفع

هههههه والله انك خطيره
بس انا زوجي مطلب شوفه شرعيه وانا كنت مقهوووووووووووره عليه

روووعه الموضوع
بالنسبه لي
كانت لي تجربه اولى فااشله لأني ماشفته مع
اان اخوي اصر علي اشوفه بس يازعم ذبحني الحيا(مستحيه)
وبعد الملكه شفته وما ارتحت له انقبض قلبي
مررررررررررره
وسبحاان الله الله ماكتب لنا نصيب ببعض
وانفصلنا
وزعل مني اخوي الكبير وقال لي مرره ثانيه لو تنخطبي
غصبا عنك تشوفينه
وبعد مده انخطبت
قلت لازم اشوفه لا وامسك معي عدسه مكبره اتمقله هههههه
المهم لمن جاء
قلت لواحد من اخواني وامي بشوفه
وفعلا قابلته وجلست حق خمس دقايق
وارتحت له
واخوي الكبير مو داري اصلا ماكان موجود وانا ع بالي انه درى
اني قابلته
لاني وقتها استحي اتكلم شفتيه ماشفتيه
يعني انا ماقلت وهو ماسألني
وعلاقتنا فيه سطحيه لانه اخوي من ابوي وبعيد عنا
المهم انه لمن جاء وفجأه كذا ناداني بالسيب
وقال البسي عبايتك وطرحتك(بس باقي غطي وجهك)
وقال امشي وراي مادريت الا وهو مدخلني ع الرجال
هههههههههههههههه
الرجال تفأجا
ووالله العظيم واحنا واقفين قال له هذي فلانه
وقال لي هذا فلان
الله يجمع بينكم بخير
وقال لي روحي
وانا تفاجات مستحيه
اكثر من اول مرره شفته فيها
منزله راسي ماشاف وجهي
(قلت بقلبي كش عليك ياخوي من زمان تقول لي مقابله
مقابله وغصبا عنك
وهذي اخرتها ماجت ثانيه لانا شفته ولاهو شافني هههههه)
بس الحمدلله انه ماقال لاخوي ان تقابلنا قبل
بحضور اخوي الكبير من امي وامي
بس كل مانتذكرها ذالحين انا وزوجي نموووووت ضحك
اتمنى ماطولت عليكم

موضوع حلو
احنا عادتنا هو يدخل عليك مو انتي تروحي له
يوم الشوفه كانت امه وجدته موجودين فشله
وكنت جالسه ودخل هو واخوي سلم وجلس وامي جابت عصير وانا عيوني بالارض ما شفته زين
اسمعهم يتكلمو وانا مو معاهم اخوي الصغير جنبي واسوي حالي اسولف معه خخخخخ
وبعدين قامو مشو وقامو الحريم يباركولي وانا ميته احرااااج

للأسف انه جو أهله وشافوني ووصفوني له.......

وهو الاخ إكتفى بالوصف ......... وانا الصراحه كنت ابي اشوفه يمكن مايعجبني لاني مااخفيكم انا يهمني الشكل اللي تقبله نفسيتي لاني لو اخذت واحد مو عاجبني وربي مااقدر اسعده نفسي واعرفها...........

وجننت امي إلا تكلمهم وتطلب منهم انه يجي يشوفني واشوفه عشان نطمن لبعض اكثر......... ومسكينه طلبت هالطلب على مضض ومقهوره مني بس عشان تبيني اسكت ....... وبعدها قالوا انه رافض الشوفه بحجة انه بنات الناس مو بضاعه نتفرج عليها ويمشي ويخليها ومايكون إلا كشفت سترها وبس ............. (شوفو العقليه)
رغم انه شي محلله الشرع علاوه على ان زوجي مررررررررررررررررره خجووووووووووووووول و يستحي من خياله ...... طبعا بهالحركه كبر بعين اهلي اكثر واكثر

وانا مازالت عيني قويه وخاليه من الحيا قلت مااخذه لين اشوفه ...............

ومسكينه امي دايما ضحيتي طلبتهم صوره لولدهم عشان ارضى فيه وهم ماقصروا جابوا صوره وليتني ماشفتها لاعت كبدي مو حلو في الصوره بتاتا ........ وقلت ابدا لو تخيطون جلدي بجلده مااخذه وقامت امي وورتني الوجه الثاني وسب وحرمان وهواش واللي تبون وعلمت ابوي وابوي طبعا مايفاصل قال كيف ناس دخلوا بيتنا وداسوا بساطنا وعطيناهم كلمه ترفضين و قلتلهم انه ماعجبني وانا ربي عاطيني قدر من الجمال ولله الحمد كيف اخذ هذا

وطبعا جلسوا يقنعوني ان الرجال موبشكله
وبعد الضغط والتهديد والعنف بصوره واشكاله لغاية ماجا اليوم الموعود اللي هو يوم الشبكه والكوفيره تمكيجني وانا ابكي وتزيد تعيد المكياج وحاله وبوزي شبرين زي في التماثيل بالضبط وامي وراي افردي وجهك وتقرص فيني وجو اهله ماقدرت اطالع فيهم حاقده عليهم وبااااااااااااااين على وجهي ويوم قالو انه العريس وصل وانا قلبي وقفففففففف .....
انتظر الطامه .. الصدمه
واتفاجأ بهذا الطويييييييييييييييييييييييييييييييييييل والوسيم كأنه إماراتي وانا يابنات وربي يشهد علي كأن احد جاب مويه باااااااااارده وصبها فوقي فغرررررررررررررررررت صرت افكر والله العظيم انا بعجبه ولا لا ...... انقلبت الايه والمصيبه اني مااهتميت بشكلي ولاحتى عدلت مكياجي ماكان لي نفس اصلا وصرت احاول مااوريه وجهي بس من جوا ارقص مبسوووووووووووووووطه منشكحه وامي واختي يطالعن فيني عيونهم تقولي هين والله لنوريك اللحين انشكحتي بعد ماخليتينا بنص ثيابنا وصار لي نفس اتصور معاه وقطعنا الكيكه ولبسني الشبكه واتعشينا وسهر عندي لين الصبح وكان ارووووووووووووووع يوم اعيشه بحياااتي رغم كنت متوقعه انه بيكون اتعسسسسسسسسسس يوم بحياتي
وبقولكم السبب ليش شفته بالصوره شين تخيلوا جايبن صوره شخصيه صغيره مقطنه من سنة جدي الصور الشخصيه اصلا تخلي الواحد شين عشان كذ انا رفضته
وسااااااااااااااااااامحوني طولت