بنات كل وحدة صلت إستخارة تقول على شنو وبشنو حست بعدها وصار على الموضوع ..

بقـ إنسان ـايا :

الشي الثاني اللي استخرت فيه ربي أنا عندي دبلوم في تكنولوجيا المعلومات وكنت أحب الكومبيوتر موت ولا زلت بس إللي صار إني لما تخرجت أمي كانت حاجزة وظيفة لي... الله لا يحرمني منها بس الوظيفة في غير مجال دراستي وفي شركة تأمين... وهذا اللي خلاني أتردد شوي قبل لا أوافق بس بعدين كلهم قالوا لي... انتي نيتج صافيه وما تقصدين شي... وربج غفور فوافقت... للأسف اشتغلت بالشركة... لمدة سنة وأربعة أشهر زملاء العمل ما قصروا معي في شي الله يبارك فيهم وأذكرهم بكل خير والله يعني من ناحية الناس... نفسيتي كانت جدا مرتاحة احترموني وقدروا كل شي أسويه بس كان في شي ثجيييييييييييل في صدري كنت أحس بالخوف... كأني خفيفة من داخل مالي كيان وقلت يا ربي شو أسوي شو السبب وقلت مالي غير الإستخارة واستخرت ولله الحمد وشو طلع لي!!! طلع لي إني في مكان في حياتي ما شفته ولا في خيالي ما تخيلته والله العظيم مكان جميييييييييييييل اخضرار ووديان... وأنا بهذا المكان كنت مرتاااااحة ما شفت نفسي بالحلم... بس كنت مدركة إني موجودة بهذا المكان بس شفت أخوي اللي يصغرني بسنتين كان يقول لي ((فلانة)) ليش محتارة... انتي تعرفي شو تبغي والله ما يبغيلك إلا الخير أنا معاج... توكلي على رب العالمين وأنا متأكد إن ما راح يخليج... وراح يعوضج بأحسن إن شاء الله لما قمت من رقادي والله بكيت من الفرحة... وقلت ربي ما راح يضيعني... وما ترددت ولا لحظة سرت لأمي وأبوي... وقلت لهم راح استقيل وعصبوا علي... بس بعد ما أقنعتهم وافقوا المهم حست بشهادتي أربع سنوات وأنا مو لاقية وظيفة وأبوي دايما يسمعني ويحسسني اني استعجلت بس كنت صابرة... وقلت يمكن ربي راح يعوضني... بس علي بالصبر أكيد هذا اختبار آخر عشان يمتحني ف الصبر خلال هالسنوات أنا تزوجت... وظليت أدور على وظيفة وكاني أحينة متوظفة في شركة... مافيها لبس ولله الحمد لا ربا ولا حرام ولا شي صحيح ان المدير نذل ((اسمحولي على الكلمة)) بس اللي مريحني ان شغلي مب حرام ولازلت أنتظر اليوم اللي ربي راح يخليني أعيش الإحساس اللي عشته بالحلم وإن كان مب في الدنيا فيارب... إن شاء الله بالآخرة في جنات النعيم قولي آمين أختي

الشي الثاني اللي استخرت فيه ربي أنا عندي دبلوم في تكنولوجيا المعلومات وكنت أحب الكومبيوتر...