فضل عطر:

1ـتشانس شانيل 2ـ بربري 3ـ كوكو مادموزيل :26:


أسوأ عطر:
بردايس

موضوووووووووووع مميز الصراحة


لأن الوحدة تستفيد من تجارب الخوات والاحظ بعض الخوات عندهم عطور تعجبني
وبعضهم كل إختياراتهم المفضله أنا أعتبرها من أكثر العطور الي ما أتحملها

وهذا واقع سبحان الله كل إنسان يختلف في ذوقه عن الثاني يعني أنا وخواتي
ما نتفق على نوع واحد من العطر يحوز على إعجابنا جميعا إلا في ما ندر وكل ما كبرنا
كل ما كانت إختياراتنا في العطور تختلف أكثر وأكثر ...



في وحده من الخوات قالت عن وايت لينن من إستي لودر وأشكرها لأن من عطوري المفضله أيضا
أعتقد إسمها أبيض وأسود ..

في بعض اختياراتهاا أوافقها عليه وأعتبرها من عطوري الحلوه أيضا ..

أعتقد طولت عليكم :

العطور الي ما أحبهاااااااااااا كلش كلش :


1. على رأسهااااااااااااا

كوكو مودمازيل
شريته أول ما نزل وما حبيته وكرهته بعد وقمت أرشه بالحمام لين خلص
الكريه فيه إن ريحته مميزه جدا جدا يعني إذا دخلت مكان أو مصعد ووحده كانت حاطته إتعرفينه على طوووووول غريب هذا العطر وغريب إشكثر منتشر وبنات يحبونه ما أدري شنو السبب ..


2. عطر راكييل وومن من سونيا راكييل

علبته مميزه وهذا الي خلاني أشتريه تراني ساعات أشتري بس علشان شكل القاروره حلو ؟؟؟!!!!

غريبه بس يعجبني شكله بس ريحته كرييييييييييهه حدها ما أتحملها قمت أعطر الحمام والمكتب والغرفه وأبخر بعدها يمكن تطلع ريحه ثانيه بس ماكو فايده ..


3. عطر كينزو ديتي

عطر بايخ كأنه صابون إماعين ...

غلطه وندمانه عليها ..


4. عطر إليزابيث تايلور الجديد

ناعم على تافه ماله معالم حده غريب ساعات يصير حلو ساعات كريه


واااااااااااايد عطور ما أحبها بس هذا الي ذاكرته منها ..


العطور الي أحبها الي تصير على ريحة البودر والقويه والمميزه وما أحب العطور الي على ريحة الفواكه أو الورود البحته يعني ما أحب أحد يشمني على أني برتقاله أو أفنديه أو ياسمينه أو فله متحركه أحب الريحة تجذب بغموض


وللخوات الي يحبون العطور بريحة الياسمين أنصحهم بعطر (( مايكل كورس )) جربوه على ضمانتي


:26:

بنات اللي استخدمت عطر تشانس و الور من شانيل تقولي اسعارهم لان في محل قاللي ان الور ب350ريال معقولة احسه يضحك علي

احلى عطر شميته كارولين ياااااااااا يجننننننننننننننننننننننننننننننن اختي اشترته من الرياض ب260 ومن مكه بعد نفس السعر لمن رحت دبي اختي اشترته الكبير ب160 من سوق التعاون في الشارقه تخيلو الفرق 100 ولمن رحت سوق حمر عين اشتريته ب 120 تخيلوووووو يا يجنن السعر ونفس الماركه والريحه وكل شي ..
وكمان في عطر عند ايتام يجنن وسعره حلو ومعاه الكريم الملمع ...

اسو عطر عندي جفنشي يوووووو مااطيقه ....

بالنسبة لي يعجبني جدا عطر LANCETTY MADAME هذا العطر قديم بس مش مرة قديم .(انتبهوا ترى يختلف عن عطر مدام) وانا استخدم القديم لانه يجي منه جديد ما عجبني. مستحيل احد يشم ريحتي وما يقول ايش عطرك.(عاد انا اكشخ عليهم واقول ايش تعطوني اذا قلت لكم) بس بقول لكم سري الخطير اللي يخلي ريحتي تهبل كل من مر جنبي (اييييييييييييييييييييش تعطوووووووووووووني ؟؟؟ إذا قلت لكم)

لا لا تدرون انتوا تستاهلون اقول لكم بدون مقابل.
انا ياطويلات العمر بعد ما خذ دش بالصابون واضع مزيل العرق .احط بودر الجسم اي نوع حلو وهادي . وبعدين
اضع خليط من عطري الاساسي LANCETTY MADAME وبعدين ارش رشة خفيفة جدا من عطر بليجر القديم وبعد رشة ايضا خفيفة من عطر باتو الوردي القديم.. وشوفو نتيجة الخلطة السحرية وادعوا لي .بس الله يخليكم قبل لا تشترون العطور جربوها اول اخاف ماتعجبكم وتدعون علي بدل ماتدعون لي (خوافة).

بعد عطر لاكوست . فواح وعجبني مرة وان شاء اللة بشترية في الخطة الخمسينية اقصد الخمسيةالقادمة.

اما العطور اللي ما احبها حقت البدي شوب مادري ليه ماتناسبني
عطر سفاري كنت احبه وكرهته من كثر ما وحدة كل ما احطه تقول لي يع لاعاد تحطينه ولا لاتكلميني.صرت فعلا ما اواطنه بعيشة الله.
بويزن اكره نفسي إذا شميته احس ريحته كنه فليت(مبيد حشري) مع انه كثير يمدحونه ويهذون فيه ما ادري على ايش . مادري هو شين فعلا ولا انا ماعندي ذوق.
بصفة عامة انا احب العطور القديمة اكثر من الجديدة. واحيانا اموت في عطر واحبه وبعد فترة اجيب فيه العيد وانزله من سابع سما لسابع ارض..

لا وتصدقون مرة شريت عطر او كرات عطرية من البدي شوب يقولون تحسن الحالة النفسية وتعدل المزاج تنحط في البانيوم.انا استخدمتها او جاني اكتئاب ذاك اليوم.