العنـــود @alaanod_6

عضوة فعالة

بنات كل وحده تقول لنا عن تجربتها

السلااام عليكم
بنات خلينا نستفيد من بعضنا ..
شوفو كيف
زيت C.B.C :::::::::::::

انا استعملته صار لي احينه تقريبا ثالث اسبوع و زيين واايد خف التساقط
انا شعري كان يتساقط واايد اول بشكل ما تتصورونه ..والحمد الله ويزاااااااها الله الف خير من الي قالت لي اعتقد نجوله و وحده والله ما اذكر اسمها الله يزيها الخير والبركه فيهن ..
احس شعري خف التسااقط منه هالزيت واايد ..

الكثيرا ::::::::

لووول حدث ولا حرج والله الكثيرا سوا في شعري العجب صار شعري خشن وباهت ويتسااقط وايد ..يعني احذركن منه :D

يالله بنااااااات كل وحده تقول لنا عن تجربتها :D

هذا الموضوع مغلق.

قمر الإمارات • 22 سنة

هلاااا العنود،،،،

بالنسبه لتجربتي،،،،

سويت عمري عبقريه وخبيرة في الشعر،،

وخلطت،،زيت الخروع والثوم والجرجير والذرة والسمسم والنارجيل والزيتون والبابونج،،اللوز،،الحيه

واستخدمتهم لمده شهر،،،والله النتيجه كانت روووووعه

وشعري تغير عن اول،،صار ناعم وكثيف،،،،

الصراحه هالزيوت غيرت مجرى حياتي،،

بااااااااي:mad: :mad: :05: :05:

عندي امل • 22 سنة

العنود حبيبتي من وين تاخذين هذا الزين لأن شعري يتساقط كثير وكم مرة تحطينه...................... قوليلي بسرعه الله يعافيك قبل لأنفجر:06: :32: :32: :32: :32:

العنـــود • 22 سنة

هلاااا والله حبيبي قمر الامارات زيين والله شي حلو بس يبالها مواصله بعد مب يعني خلاص تودرين عنهن اذا شفتي الزين لاا استمري فيهن عشان تطلع النتايج احلى من هاي :)
بس من وين لج زيت الحيه والبابونج و الثوم والجرجير ؟؟ كلهن عند العطار ؟؟

سلااااامي

العنـــود • 22 سنة

حبيبي عندي امل .. زيت سي بي سي تلاقينها في السوبر ماركت او اي دكان عندهم بـ 5 دراهم او 3 دراهم حسب .. انا شريتها بـ 5 دراهم ..علبه معدنيه ..
وان شااااء الله تحصلينها :)

غزل البنات • 22 سنة

وانا جربت الزيوت التاليه قبل كل استحمام حسب المتوفر في البيت

ذرة + زيتون + جوز الهند + خروع + لوز

وحاسه ان التقصف صار قليل والشعر انعم

وهذه الزيوت استخدمتها بعدما جربت شامبو بانتين اللي دمر شعري تدمير والله كنت بس ابكي ..

::::::::::::::
وجربت طريقة الفرد الطبيعيه لان شعري مموج .. باني الفه على الرأس وهو مسرح زين , وبعد ساعات افتحه الاقيه كانه مسشور :)