أنا أخوي في كندا في هاملتون بس هو تخصصه طب
و يتابع في جامعة مكماستر McMaster
و الجامعة هذه ترى وايد قوية و ممتازة بس ما أعرف اذا فيها تخصصج
فيه بعد جامعة ًWindsor
و جامعة Toronto
و جامعة في لندن بس نسيت اسمها
و أنا رحت كندا و قعدت فيها شهر في هاملتون مع أخوي و عيلته
و عجبتني وايد ، مثل ما قالوا الأخوات ما فيها عنصرية و هادية و أمان
و متروسة مسلمين ، الله يزيدهم :)

بس عندي كم نصيحة ،
شدي حيلج وايد في التوفل
خلي حد في سفارة الامارات أو الجهة الحكومية
الي تمولج انها تتابع طلبج في هالجامعات ، لأنهم يفضلون الطالب المضمون ماليا
و الي وراه من يضمنه ماليا
معظم الجامعات تطلب Statement of Purpose
و هذه عبارة مثل التعبير تلخصين فيها اهتماماتج و ليش دخلت و اخترت تخصصج و شو الي دفعج لهالتخصص
و شو انجازاتج و شو طموحاتج الي تريدين تحققينها من وراء الحصول على الدراسات العليا
صدقيني تراها تأثر وايد
بعد الجامعات بتطلب منج رسائل توصية من دكاترتج الي درسوج ، حاولي ادورين عن دكاترة
درسوا في الجامعات الكندية علشان هالشي ممكن يساعدج في طلبج، خليهم يكلمون أي حد في الجامعة علشان يسهلون طلبج مع أن السهالة من رب العالمين بس هذه أسباب
و انتي في كل جامعة حاولي تراسلين أي بروفيسور في تخصصج في كل جامعة و راسليه و قوليله
انج مهتمة وايد في هالموضوع المعين و حابة تتخصصين فيه و و و و .. يعني عشان يوصي فيج لما يقرون طلبج
ترى الجامعات الكندية يبالها متابعة ، و أنا أنصحج تقدمين لجامعات أمريكية بعد احتياط بس
و اذا عندج أي سؤال أنا جاهزة
لأني أنا بعد قاعدة أرتب لدراساتي العليا في أمريكا و طرحت موضوع هنيه أسأل الخوات
و ما قصرن ما شاء الله عليهن

السلام عليكم ورحمة الله وبركاته :26:

كيف حالكم خواتي ؟؟ان شاء الله بخير ؟؟ و مشكورات وايد على ردودكم الحلوة و جزاكم الله خير دنيا و آخره.

عزيزتي بنت ادم: جزاج الله خير وجعله يارب في ميزان حسناتج :26: و صدقيني ترى بنت السعوديه ما تقصد و هي ما شاء الله عليها طيوبه وابد ما تقصر

هلا وغلا باهل الإمارات و الله نورتوا :24:

اختي و الله زيغتيني :07: طلعت السالفه يبالها وايد عباله والمشكله انه ربعي مب طايعين ايون وياي:06:

انا ربيعتي من ايام الجامعه في كندا لان ريلها دكتور عيون و إلحين بيكمل بس عاد مادري هي وين؟؟؟واستانست يوم قلتي عن اخوج قلت لا يكون زوج ربيعتي ؟؟؟؟بس عاد هي ما عندها عيال؟؟؟و طلعت انا ملقوفه:eek:

اقول اختي آسفه على التطفل بس انتي من اي جامعه؟؟في الإمارات؟

انا سالفت البعثه هذي يننتني...كل ما اسأل عن برنامج اعداد يقولون انه في امكانيه انج تنجبرين وتشتغلين عندهم لفتره؟؟؟ و بعثه وزارة التعليم العالي ما ادري عنها شي؟؟بس عاد انا قدمت للأثنين؟؟جذي قالولي في الجامعه؟؟
بس عاد قالت لازم احدد الدوله إلي بدرس فيها؟؟؟ فقلت مالي غير كندا لأني اخف اسير امريكا و ما احبها اصلا

في وحده عندنا في الجامعه خذت الماسترز هناك في تكساس واتقول انها تلعوزت وايد وكانوا كثير ينظرولها نظرات مب حلوة؟؟؟و إلي كان مصبرنها هو ربها وانها ما تقدر تتراجع لأنها لازم تدفع كل إلي دفعتها الدوله لدراستها...

حبيبتي صدقيني ما ابي ازيغج :D :27: بس بغيت افيد واستفيد و الله يسهل على الكل

مشكوررررررررررررررررره وايد وجزاج الله خير انتي وكل البنات

اترياااااااااااااااج




:26: :26: :26: :24:

هاهاهاها .. لا أخوي مب دكتور عيون :)
أختي ممكن أجاوب على أسئلتج بس في الخاص
ممكن بس تفعلين الرسايل الخاصة عندج و انا تحت أمرج

هلا وغلا :26:

حبيبتي ام انووووووووووووووووووووش انا عفست المنتدى ليما عرفت كيف
افعل الرسايل الخاصه عندي :01: من ذكائي الخارق دوم اتبهدل ويا الكمبيوتر وبلاويه والله يخلي إلي يحبونه وانتي منهم اكيد :27:

بنت السعوديه تراني اترياج اوكييييييييييييييييييييييييييي و الله يوفقج و الجميع:26:

عزيزتي بنت ادم مشكوره مره ثانية و ثالثه و رابعه على مرورج الحلو :26:

في امان الله و تقبل الله منا و منكم