انا مخطوبة لأحد اقاربي ومن مدة طويلة والموضوع ماكان محتاج شوفة لأنه عارفني من صغري .. فكنت تقريبا ماخذه راحتي شوي بالشوفة اللي سوولنا هي بعد كم سنة من خطوبتنا ..لأن ماكان فيها احتمال الموافقه او الرفض خلاص الموضوع كان مأكد ومن سنين ..

كنت لابسة تنورة طويلة من هذي التنانير الواسعه اللي تشبه التنانير الاسبانية وبلوزة وكنت مسوية ميك اب خفيف وشعري فرتده وسشورت بس القصه لأنه ناعم مو محتاج
ولبست ساعة جلد على لون اللبس تركواز فاتح التنورة كانت مموجه تركواز فاتح على اخضر فاتح وداخل فيها الاورنج
والبلوزة تركواز .. وكنت لابسة صدنل كعب تركواز ..
وعقد ذهب ابيض ناعم وخاتم واسورة ناعمه ..

وانصحك اختي قد ماتقدر تظهري بمظر ناااعم يدل على شخصيتك وانوثتك لاتلبسي الوان غامقة
انا الين يوم الشوفه كنت محتارة وش البس وكان ودي البس شي وردي او بيج بس اللي لبسته كان احلى وكنت توي جايبته من برة فاستخسرت البس شي غيره ..

انا اشوف اذا كانت الشوفه مارح تحدد على اساسها الموافقه او الرفض والعرسان موافقين على بعض من الاساس فعادي انها تخرجله بدون عباية بس تكون محتشمه بلبسها ..

وبالتوفيق ان شاء الله ..

شوفي عني انا لبست لبس ماركه وبنفس الوقت ساتر تنورة طويله وبلوزه اكمام طويله دخلت بدون ماكياج وهذه نصيحة مني لا تحطين مكياج خليك على طبيعتك با ستثناء الكحل ايضا رسمته عادي بدون تفنن الان المكياج راح يقلبك انسانه ثانيه انتبهي لهذة النقطة بارك الله فيك طبعا ما حطيت على شعري حجاب عشان يشوف شعري على طبيعته واخذني الحمدلله عن قناعه تمنياتي لك بالتوفيق

ولله حبيبتي لاأنا ولاخواتي ولا أحد من أهلي شاف شوفة السنه مو عن ألتزام بس أحنا كذا تجي أمه أو أخته تشوف وبس أنا جات أمة وعماته وكنت ميت من الخوف ومستحية وما قدرت أجلس يدوب سلمت وطلعت من المجلس شلون أدخل على رجال غريب كان يغمى على بس أشوف البنات ماشاء الله عليهم عادي يتكشخون ويدخلون الله يوفقهم ويوفقك بس حبيبتي أنا أشوف أن المكياج ماله داعي لبسي لبس محتشم ودخلي شوي وطلعي ما في داعي يتمقل فيك وحلات البنت بحياها والله يوفقك أأأأأأأأأأأمين

المجتمع اللي انا فيه ما فيه شوفه شرعيه فييييييييييه شختك بختك انت وحظك يا تطلع بطيخه حمراء ولا بطيخه بيضاء ههههههههههههههههههههه

حبيبتي خلاصة الزهور

شوفي يا قمر
انا لبست تنورة جنز وقميص ابيض بكم طويل
وسبوه (زي الجزمة بس مفتوح من ورا ما ادري ايش تسموه) لونه ابيض
وحطيب على وجهي بودرة خفيفة لان الطبيعي ما احب اكتر وشدو روز خفيييييييف يعني ممكن الي شافني قال مو حاطة شدو... بس قلك يعني حطيت
وكحل داخل العين... بس مو تقيل .. عادي
وماسكرا خفيفة مو كثير... طبقة وحدة رقيقة <== تعدل الشكل شوي
وجلوس روز فاتح على لحمي
يعني ناتشورال على الاخر
وخاتم فضي وانسيال فضي بايدي الشمال
والساعة بايدي اليمين
وشعري سشورته (هو ناعم بس مموج) وخليته مفتوح والغرة حطيتها على جنب.. والجنب التاني حطيت زي مشبك صغيييير ورا اذني كدة شوية لونه زي لون التنورة الجنز (ازرق غامق شوي مفضض ) <== الوصف عجب بس استحملي
<من راسي لأخمص قدمي ايش تبغي كمان؟؟> :)

انا يوم ما جا... امي قالت لي مالك طلعة على العريس الا وانتي بحجابك
اذا طلب يشوف شعرك نقولك تشيلي الطرحة
انا قلت لها والفشلة لو قال شعرها ما عجبني انجرح بعدين (مع انه ناعم وطويل وهو طلبه بس اتلكك)
المهم امي سألت امه قالت لها انا بادخلها بحجابها هو كيف يبغى يشوفها؟
امه قالت لا .. حقه يشوف شعرها وهذه شوفة شرعية مافيها شي
ودخلت بشعري عادي

بس حطي ببالك يا حلوة
في كثير يلاحظو انتي كيف طلعتي على العريس!!
كنتي محتشمة بلبسك ومشيتك ونظراتك وللا لبسك في شي باين (صدرك او رجولك او ما ادري ايش)

والله يوفقك حبيبتي ومعلش اذا جيت متأخرة على الموضوع :)