بنات كيف اتعالج من الوسواس القهري الاضطهادي

بسم الله الرحمن الرحيم
السلام عليكم ورحمة الله وبركاته


بنات اعاني من الوسواس القهري الاضطهادي من ثمان سنين وهاذي السنه هي التاسعه
في الصغر عانيت من ظرب اختي لي وآخر ظرب منها حسيت بعدها بالاضطهاد
ولما خلصت الثانويه في سنه 2007 جاني الوسواس الاضطهاد ...المهم
انا اعاني لسه من آثار الاضطهاد والشعور كبر معاي وولد فيني شعور اني مابي اكلم هالاخت او حتى ابتسم في وجها من شعوري بالظلم
وكبرت ومر السنين والوسواس كبر معاي وصار يقولي اقتلي امج أول كان يقولي اشردي لما كنت صغيرة
وكان يحاول اني اتهاوش مع اخواتي وانا اصده واتعوذ من الشيطان الرجيم
ومره من المرات رحت للمجمع قالي الشيطان شفتي المره هاذيك اتصعر خدها لك...!!!!
انا مستحيل اسمع كلام الشيطان فقعدت اتاكد اشوف ايش الي تشوفه هالمره لقيتها قاعده تتبضع
فقلت في نفسي قاعده تتسوق ايش دخل تصعير الخد في الموضوع واتعوذ من ابليس
الحين صرت ما اطيق شي صرت حساسة اي فعل اتضايق منه
وهي ما شاء الله صايره بغبغاء شنو اسئل امي سؤال هي ترد مع امي نفس الجواب
واذا ما اعرفت جوابها تنتظر الاجابه لين ما امي تقول
وساعات لما افتح علبه تقولي لاااااااا تفتحينها (عبالها امي بتقولي جذي) جان امي تقول خليه في المطبخ
جان اختي تقول خليه في المطبخ
والله اني استغربها يعني انا اسمع اختي هذي وما اسمع امي اذا اصلا امي قاعده جمبي في الكرسي الي جنبي
يا بنات ادريبكم شنوا بتقولون عفا الله عما سلف
والله اقدر اسامحها بس اتغير هالطبع لاني تعبت وااااااااااااااااااااايد
وامي مهما اقولها عنها لو ابكي عندها تقولي الآية الكريمه (وبشر الصابرين)
قلنا معليه الصابرين لهم اجر بس عاد نصبر لين متى اخاف اصبر لين ما اعجز
المهم
ابي طريقة علاج للوسواس القهري الاضطهادي
انا الي اعرفه ان احسن دواء للوسواس هو الفافارين
قريبا باروح للدكتور وبغير دواي الي هو الزايبريكسا
والطريقه الثانيه هو العلاج السلوكي
الي هو التعريض وعدم الاستجابة هالحين هالطريقه شلون اطبقها....؟؟؟؟!!!!!!!
وابي علاج بالرقيه الشرعيه


فديتكم يا بنات لا تهدوني بروحي ابي مساعده عاجله
انا مشكلتي الفراغ عطوني افكاركم كيف تستغلون وقت فراغكم
انطركم بفارق الصبر :)