بنات كيف اخليه يتركني بحالي 😭😭😭😭

السلام عليكم.... انا في حاله مايعلم فيها الا ربي تعبت من حياتي وقراراتي الخاطئه ماني قادره اقرر عن نفسي قرار مصيري لحياتي شخصيتي مهزوزه واحس اني جد ضعيفه ومالي رأيي ولا كلمه
بنات انا مخطوبه وخطيبي طلع للاسف مب كفووو اكتشفته يكلم بنات ع الانستا والسناب وحتى يرسلون له صورهم وهو يرسل (عضوه) وكلام نجس ووسخ قدرت افتح حسابه واشوف كل هالاشياء واجهته وانكر وحلف طبعاً بس ماني غبيه وبالنهايه اعترف انه غلطان وندمان وحلف لي انه راح يتغير ومستعد يسوي لي كل شيء
من بداية تعارفنا وقت الخطوبه وهو اسلوبه سيء
ولسانه قذر يسب ويغلط لو مارد عليه يرسلي انقلعي كلي تبن كلي تراب ماني ناقصك توكلي
ووصلت فيه انه سب اهلي انا هنا ماقدرت اتحمل ولا استوعب وقتها سبه! وهو حس ع روحه وحاول يصلح غلطته ويتعذر مابقى شيء ماسواه بس ماقدرت انساها له وللاسف اصدمكم اني سامحته رغم هالشيء 🥲🥲🥺 طبعا ذي بداية الخطوبه وتغير بعدها شوي تحسن اسلوبه وعطيته فرصه وجاب المصحف وحلف انه راح يتغير وانه يحبني وشاريني ومافي وحده تهمه كثري طبعا لقيت وحده معه لهم سنه ولما سالته اعترف وقال لي معها سنه ويقولها كلام حب وغرام
انوجعت حيييل حطمني يابنات وفوق كذا ماهو راضي يخليني اعيش حياتي بدونه اكثر من مره افهمه اني مابيه واتركني بحالي ومابي اتزوجك مايستوعب كلامي!! ع طول يغير الموضوع ويقول اختي بتجي عند اهلك وبنحدد الزواج
احس تعبت ماهو راضي يفهمني يابنات ماني قادره اتخطى فعايله فيني واذا واجهته الحين اني مابيك يقولي انتي انسانه مستهتره ولعابه !! ماني ع كيفك ولو فسختي الخطوبه بصدم عيشتك! وماراح تكوني لغيري
تعبتّ بنات منه انسان مايتفهم ولا يستوعب وكل ماجبت له هالطاري يغير الموضوع يقول انتِ نفسيتك تعبانه الحين ومتى بتنسين خلاص انسي انا ترا انسان واغلط
اوك كلنا نغلط بس غلطته بعشر ياناس مليون مره اقفطه وهو يكلم ذي ويقضي وقته معها
حتى اذا هديته شيء زمان مثلا اغنيه شفته يروح يهديها لهن ونفس كلامه واسلوبه
متلااعببب واناني ومتسرع وقليل ادب
بنات ابي اتركه ماهو راضي يخليني بحالي متاكده الف بالميه بيكلم اهلي واهلي راح يسمعو منه ويقولون لي ك العادده يحبك ويبيك
انا ماعاد قدرت اتحمل الزواج قريب واهله بدو يشترون اغراض وبيحجزون
وانا بين تانيب الضمير وبين شخصيتي ورايي وحياتي الي عدمها لييي
تكفون كيف اتخلص منه والله الحظر مافاد والبعد مافاد واهلي وقفوا معه بكذا موضوع لانه يتمسكن وعنده اسلوب
بنات ابي ارسله رساله واتخلصص منه وش اسوووي وش اقوله عشان يتركني بحالي 😭 يمكن تحسبوني ابالغ بس والله انه انسان يخوووف وهددني كذا مره اني ماراح اكون لغيره والله قالها بصريحه العباره ياتكونين لي يا تنذبحين ولا تحسبينه مجرد تهديد والله لاسويها ولا ماكون ولد ابوي
هذا كلامه بكل مره
اهخخ حسبي الله ونعم الوكيل