بنات كيف اشعة الصبغه في عرفان ؟؟

طلبت دكتورتي اعمل اشعة الصبغه ورحت لعرفانوليتني مارحت

طبعا طلبت طبيبة نساء وولاده وحطوني عند وحده اسمها أنيسه

مره ما ارتحت لها واحسها مو فاهمه شالسالفه

ومدري وش جنسيتها كلامها غريب حسيتها هنديه

طبعا قلت ابي اشعة صبغه قالت ليه ؟؟

قلت انا اراجع بمستشفى ثاني وطلبوها مني

قالت اول لازم التحاليل

قلت تحاليلي موجوده وعطيتها بعدين سالتني قالت يطلع من صدرك حليب ؟؟ قلت لا

كشفت علي بعدين عطتني ورقتينت

وحده تحليل الغده والهرمون والثانيه الصبغه

انا ماراح اعيد التحاليل ابي الصبغه بس

بس ماعطتني ادويه اخذها قبل الاشعه عشان الالتهابات زي ما أسمع

ولا أعرف هي إللي راح تسويها والا وحده غيرها

ياربي احس اني مره خايفه اقسم بالله كل ما أتذكر الموعد يجيني غصه

تكفون بنات طمنوني كيف نظامهم بعرفان ؟؟

وادعوا لي ربي ييسرها لي والله ما أدري اشكي لمين احس ماحد حولي ولاحد داري عني

مو ضروري تكتبي دعائك بس تكفين ادعي لي بقلبك ربي ييسر امور حملي ويرزقني بالذريه الصالحه