بنات كيف اعيد الشغف بحياتي

هلا اختي كنت بأسجل خروج من المنتدى لكن دخلت لموضوعك و ما حبيت اطلع بدون ما أفيدك .. هذا رد لي على موضوع للعضوة (شنطة مكياج) رديت عليها قبل نصف ساعة لعلّ فيه فائدة لك
كيف اتغلب على الضغوطات

كثير مننا فقد الشغف و الحماس لحياته ، بسبب إننا بطلنا نتعلم شيء جديد ، وصرنا بس نكرف طول اليوم وننتظر وقت النوم وننام فقط .. تركنا الهوايات .. تركنا الانغماس بالدعاء والعبادة .. تركنا حتى الـتأمل بخلق الله ..


صرنا منشغلين بأحزاننا وماضينا أكثر من إننا نخطط لشيء جديد


ممكن تسعدين مريض (تزورين مرضى وتهدينهم هدايا) أو أطفال أو تشتركين بتطوع وتتعرفين .. الصراحة لازم تتحركين شوي و تطلعين من منطقة الراحة ولا بتظلين مكانك طول عمرك ..


واعرفي مهما صار لك فهو الخيرة لك .. وتصدقي وكثري من الصلاة الابراهيمية و الحوقلة .. بنسخ لك رد سابق على عضوة ثانيـة قد كتبته لهـا :



طيب حتى ولو سافرتي بتسافرين شهر ؟ ثلاث أسابيع ؟.. ما ظنيت خصوصاً إذا برا .. أغلب السفريات عشر أيام ولا أسبوعين إن كثرت .. لو أوروبا أو برا البلد وباقي الإجازة وش بتسوين ؟؟ .. والسؤال الثاني ليش تؤثر فيكم الإجازة و انتم موموظفات ولا تدرسون ؟.. هذا الي أستغربـه مفروض بعد الحظر خلاص أخذنا درس ، نحمد ربنا على كل طلعة نطلعها حتى لو حر ، حتى لو بنشتري شاهي جمر وتستغل الوحدة فراغها تعتني بنفسها و تنبسط بتجربة منتجات جديدة و تسوي هواية ولا تبيع شيء ولا تتعلم شيء .. أحسن شي ممكن سوينه تتعلمين شي جديد كل يوم .. كذا يروح الاكتئاب و يرجع الشغف .. ولا اشتركي بنادي .. ولا سوي جمعات عندك.. أو سوي شي لأهلك .. المشكلة ما قلتي وش ظرفك انتي متزوجة ولا بنت ولا عندك عيال ولا كيف .. كل وحدة ممكن تسوي شيء ممتع
اعرفي أكثر على عالم حواء: https://www.hawaaworld.com/%D8%AB%D9%84%D8%A7%D8%AB_%D8%B4%D9%87%D9%88%D8%B1-5010880/post/102704776/#post102704776

كأنك قاعده تتكلمين عني
فقدت شغفي للحياه بعد وفاة ابوي حبيبي الله يرحمه
وهالشيء اثر ع حياتي وبيتي وعلاقاتي مع الناس
أتمنى ارجع نجد الأوليه اللي كلها حياه وطاقه ايجابيه