بنات كيف اموت الاحساس اللي بداخلي واقسي قلبي وما اهتم ..

مدي من وين ابدا .. انا عاطفيه واحب زوجي كثيييير لكن هو مدري كيف اليوم ابغى اكلمه وافضفض له سكت على اساس يتابع مباراة وبعدها طول وقتنا ساكتين طلبت منه يسولف وخنقتني العبره قالي وش السبب قلت له مدري المهم رد علي الله يقطع من يتزوج بزارين وقام يصارخ ويأنبني وكاني مخطيه وانا وحده احبه وهو يجرحني ويحب مصلحته في كل شي ياكل ولا يسال عني ويونس نفسه هو واصدقاه حتى اهله وانا اخر اهتمامه مع اني مو مقصره معاه بشي ادلعه وكل يووم اسويله مساج برجليه ويديه وظهره لين تتكسر اصابعي وظهري واي شي مجرد اني احس انه يبه اسويله واناا اذا قلتله مشتهي كذا ما يلبلي طلبي ابغى اروح اسوق يقولي ياحبك لسوق مع اني من تزوجته حول السنه ! ما رحت معاه السوق الا اربع مرات وانا يوم كنت عند اهلي معدل 4 ايام او اسبوع بكثيير
اقوله في محل مسوين تخفيضات خلنا نتقضى لبيبي يقولي احد يتقضى اللحين للعلم بشهر السابع وانا ابغى اوفر عليه بس هو ضدي بكل شي ..نفسي بزوج يفهمني ويراعي مشاعري زي ما انا اراعيه واخلص له اطلب شي ينفذلي زي باقي الحريم اقول رايي بشي ياخذه بمحمل الجد ويسويه لي .. كل شي يردني فيه تصدقون حتى ببدايه الحمل كنت اقوله ابغى افتح ملف بمستوسف حكومي اراجع فيه كان رافض بحجه ان الاولين ما كانوا يعرفون المستشفيات تصورا هذي عقلية واحد يعمل الان بارقى مستشفى وعمره ما يتعدا 29 سنه !!

ابغاكم تعلموني زوجي يحبني ام لا وهل تصرفاته تندرج ضمن ايطار الانانيه او ماذا وكيف اتعامل معاه ؟!