بنات كيف تتفاهمون مع شغاله طااازة !!

شوفي يالغلا يبيلك تصبرين عليها والشغالات يتعلمن بسرعه
شغالتنا جايبينها لم يسبق لها الشغل
وماتفهم بسرعه لكن بالصبر وتكلمي معها مثل ماتفهمين واحد مايسمع وبتتعبين شوي لكن معليه
اذا ارسلتيها تسوي شي انتي قولي لها كذا وهي تشوفك وتعيد الي تسوينه
واذا طلبتي شي قولي لها اسمه بالعربي عشان تعرفه بعدين وخليها تكرره

وشغالتنا الحين لها 3 شهور والحمد لله تعلمت بسرعه
وتعرف تقول جمل مفيده بعد خخخخخخخخخخخخخ

اهم شي الصبر

والله يعطيك خيرها ويكفيك شرها

ثلوج تحترق

الله يجزاك خير اختي اللي عبرتيني وجبرتي بخاطري
وزي ماقلتي مالي الا الصبر والله يعطينا خيرهم ويكفينا شرهم

up

في البداية بس ..لكن بعد فترة راح تتفاجأين بسرعة تعلمها
والله يوم تجيني شغالتي صكيت كف بكف وقلت وش سويت بعمري..كنت لما اكلمها تسرح(ما تدري حتى اني اكلمها)
الآن لها شهرين تقريبا...ما شاء الله اتقنت كل شي وترطن بعد
اهم شي انك تتكلمين معها ..كل ما وريتيها شي خليها تردد اسمه قدامك وخليها تقولك اسمه بلغتها
علشان يركز بمخها
هم يعلمونهم اشياء كثيرة قبل يجون...اول ما تستقر عندك وتحس بالآمان كل اللي تعلمته يطلع
بالنسبة للتنظيف جيبي ادوات تنظيف الحمام مثلا..وعلميها كل شي وش اسمه وابدأي نظفي قدامها
وخليهاتنظف حمام ثاني بعدك وانتي تشوفينها علشان تصلحين لها اذا خربطت
والكوي نفس الشي..افصلي الملابس اللي تكوى بحرارة عالية عن اللي تحتاج حرارة واطية
خلها تبدأ بمجموعة منها وبعدين الثانية
يعني شهر اشتغلي بالبيت كن ما عندك شغالة وخليها تراقب وتكرر بعدك
ولا تتوقعين منا تتقن الشي من اول مره
تراها بغربة وتتعلم حياة جديدة ولغة جديدة وتعيش مع ناس غريبين عنها..اكيد كل هذا يأثر
عليها

نصيحة اخيرة بقولها لك ..انا مثلك كنت ناوية ما أخليها تحتك بالشغالات بس بعدين رحمتها
لأنها بغربة واكيد تبي احد من ديرتها تتونس فيه
يمكن اذا شافت شغالات خربوها وخلوها تتمرد عليكي فأنتي عاقبيها انك ما تاخذينها معكي
المرة الجاية
وممكن يصير العكس وتفرح بخوياتها وتنشط بشغل البيت اكثر
هذا رأيي اذا عجبكي خذية واذا ما عجبكي ولا كأنك قريتي شي
والله يبارك لك فيها ويعطيكي من خيرها ويرد عنك شرها

بالعكس اتعبي وعلميها بلإشاره وجيبي البصل وقولي هذا بصل وهكذا وشهر وهي بلبل لا تخافين عليها وصدقيني اريح الفرش