بنات كيف تعرفون المولود أن عقله سليم

اذكر ولادتي ببكري في الشميسي دخل دكتور كبير في السن وولدي كان نايم فك المهاد ونفظه بقوه يعني هزه هز إلين أرتاع ولدي وصاح قال كويس وطلع أنا أستغربت أسأل الممرضه قالت يشوف كويس مخ هذا إللي حصل وكثرة الترجيع لاكان شي بسيط يرجع الفائض يعني طبيعي أهم شي لايكون يرجع رضعته كلها حاولي بعد الرضاعه ترفعينه وتطققين كتفه من ورى عشان يطلع الهواء إللي دخل معدته وبعد ثلاث شهور يوقف الترجيع أن شاء الله

شوفي رد دكتور على وحده تسأل

من الصعب معرفة ذلك بشكل سريع ولكن عليك متابعة حركاته ، رضاعته ، نومه ، وجود أي تشنجات عضلية غير طبيعية ، ومع تقدم العمر تابعي نموه وتطورات حياته كالحبو والوقوف ثم المشي وإنتباهه للأشياء الملونة والصوت وما إلى ذلك.
ابتعدي عن هذه الشكوك حتى لاتعيشي في وساوس تقلق حياتك وتسبب لك العناء.

كثرة الترجيع تختلف
اذا كان يطلع من فمه الحليب بشكل بسيط معناته لا تحركيه كثير بعد الرضاعة وخلي سريره مايل شوي او المفرش مايل بحيث راسه يكون مرتفع ما يكون بمستوى واحد
أما إذا كان يقدف من فمه بشكل مفاجيئ وبقوة معناته عنده مغص وفيه هواء بطنه ومن طرق علاجه دهني بطنه بزيت دافي ونوميه على بطنه شوي يرتاح ولا يطول وانتي عنده عشر دقايق قبل الرضاعة

اختي ليش كل هالوساوس طفله مالها ايام وتبي تعرفي اذا فيها شي اولا نصيحة لاتصيري مثلي خليت الوسواس يذبحني بسبب كلام الأطباء الي ماله معنى ..وانا حامل قالولي ان قياسات بنتي تعطي اصغر من عمرها وطمنوني انها في حدود الطبيعي بس انا ماصدقت صرت ابحث في هالنت الي مرضني وقلت اكيد بنتي فيها شي وصرت اقيس طولها ومحيط راسها بلبيت واراقب تطورتها والله اشغلت نفسي على غير سنع والحمدالله بنتي مافيها شي ومثل القمرر الله يحفظها لي ويحفظ لك بنوتتك
فا انتي لاتخلي هالأمور تشغل تفكيرك وان شاءالله مافيها الا كل خير وافرحي فيها واستمتعي بكل لحظه تشوفيها بحضنك انا بجد ندمت اني ضيعت اجمل لحظات عمري بوجودبنوتي الي كنت اتمناها بوساوس مالها داعي من الأساس
وبنسبه للترجيع اه تعبت وتعبت منه لدرجه بنتي اختنقت ٣مرات والله حسيت روحها تطلع الله لايعودها من ايام والسبب انها رجعت ورفعتها علطول ورجع لها واختنقت المفروض لماالطفل بيستفرغ نخليه على جنب والأستغراغ احيانن يكون طبيعي واحيانن يكون بسبب مشكلة اسمها ارتجاع مثل الي عند بنتي وللأن عمرها سنه ولازالت ترجع من كحة ترجع تخيلي شكلي بزيارة اوطلعه بسيارة وهي تكح وترجع والله قمة الأحراج الدكتور قالي من بعد ٦شهور تبتبدي تخف صح خفت بس لازالت الله يعين دعواتك حبيبيتي..

اكيد الطبيب كشف على ابنك ولو شاف شي غريب كان بيعلمك
انصحك بكتاب جمييييل اسمه موسوعه الفراشه للعنايه بالام والطفل كتاب ممتاز وفيه كل شي عنك وعن الطفل وتطوراته الحركيه والعقليه وفيه طريقه الاسعافات الاوليه وكمان الامراض اللي يتعرض لها الطفل والتعامل معها