بنات انا تعببببببببببببببببت من شخصيتي انا عمري باخر العشرينات متخرجه من الجامعه
اببدا معكم قدام الناس قويه ومستحيل ابكي عند احد حتى امي ....بس استحي مره مع انه مايبين واللي يشوفني مايصدق بتقولون كيف اقولكم ممدري
اول ماسمع احد توفى احزن عليه
كانت لي زميله بالجامعه مايجمعني فيها شي اول مانتهت الاجازه ورجعنا لدراسه علموني البنات فيها انها توفت تخيلوا قدامهم ماسويت شي ..وروح لدوره المياه وابكي عليها من قلب وكاني اعرفها زين
ولا العضوات اللي بالمنتدى اول ماقرا انها توفت خوذوا على الحزن وادعيلها واستغفر لها لا ودخل على صفحتها متى اخر ظهور ..متخيلين
ثانيا تجيني ساعات تصير تصرفاتي بزر او مدري وش يصير فيني اذا طلعت لحديقه الناس تمشي وتجلس تسولف وانا بس اطالع بالمراجيح اودي العب مثلا تخيلوا مره امي عازمه جاراتنا ارسلتني اجيب لهن حاجه شاريتها انا رحت دورتها مالقيتها تخيلوا دخلت وقمت زي البزران اوشوش ل امي بذنها اني مالقيتها تخيلوا ما شفت الا الحريم صارن يضحكن علي .لا وبعد
اتفرج على الرسوم المتحركه هايدي مدينه النخيل بجمعات بنات عمي وزوجات اخواني وخواتي الصغار طبعا انا اكبر خواتي يتجمعون ويسولفن وانا العب مع عيال اخواني الصغار العابهم وانسى نفسي ..الزواج ماافكر فيه الا اذا احد قال ل امي مانخطبت بنتك هنا وعند النوم خاصة ابدا افكر ليش ماتزوجت مع اني بشهاده الجميع حرمه دار وجسمي حلو ما شاء الله وابدا ابكي اني ماتزوجت اصحى الصباح وانسى الزواج ...ساعدوني ابغى اغير هالتناقض بشخصيتي اتمنى ماتردون رد يجرحني
مافيك الا العافيه وانتي انسانه بريئه وقلبك ابيض وصافي
وميولك لافلام الكرتون واللعب مع الصغار لان الانفس تغيرت وصارت قلوب الناس سودا وانتي من داخلك مش متقبله ذا الطبع السيئ فاصبحتي تميلين لعالم الطهر والنقاء الي هو عالم الاطفال
موفقه ياقمر