السلام عليكم ورحمة الله وبركاته
هدوا لاتعصبون علي :42:
بحكي لكم قصتي وأحكموا
وهي فرررررش
هذا الله يسلمكم أنا مخلصه الدراسه من سنه ونسبتي ماكانت حلوة و وعدت هالسنه انتساب وهم كانت زفته :(وانا من عائله متوسطه من ناحيه الماديه وصعب جدا اني ادرس على حساب اهلي وصعبه علي اتقبل مجرد تقبل اني بجلس طول عمري فالبيت ورافضه فكرة الزواج والانتاج مع أحترامي لكل متزوجه بس حابه يكون لي مستقبل ووظيفه أساعد أهلي وأرضي نفسي
الموهييم طول الفتره الي طلعت فيها النتائج وانا بهم مايعلم به الا الله وكنت ادعي ادعي واستغفر ومافي فائده ودخل علينا رمضان وقلت استغل الفرصه واكثف الدعاء والاستغفار واتقرب لربي
ومن بدايه رمضان وانا ادعي حتى قبل يومين فقدت الامل ماشفت أي نتيجه وقلت أنزل موضوع فالمنتدى للبنات يدعون لي بعد ماشفت مواضيع البنات ولعل وعسى ان أحد بينكن دعوتها تكون مستجابه
بس ماتقبلتها في نفسي كيف أطلب من العباد يدعون لي ورب العباد موجود !
وربي يابناات اني نمت أمس وانا مقرره اني اكثف اكثر واكثر واتقرب لربي اكثر وما أمل ربي كريم
وعلى ساعه 12 كنت بالمجلس اشوف مسلسل ولما خلص قلت بدخل النت وطلعت وانا فطريقي لغرفتي كنت افكر لو مثلا انقبلت في كليه الي نفسي ادخلها كيف راح يكون شعوري وجلست أضحك على نفسي
وصلت لغرفتي وفتحت النت والماسنجر وهنا المفاجأه
تخيلوا بنات حصلت محادثه من صديقتي تقول انها خلاص كلمت البنت تشتغل في الكليه وعطتها أسمي وتفاصيلي وراح ترد عليها هالاسبوع اذا بنقبل او لا
وللعلم في نفس الكليه الي حابه ادخلها بس بمنطقه ثانيه
والله ثم والله ان عيني دمعت وسجدت سجدت شكر
من الفرحه والدهششه
مايهمني خلاص انقبل او لا
المهم أني عرفت ان ربي كريم ومايرد عباده
الحمد لك ياارب الحمدلله حمدا كثيرا
المغزى من القصه لاتلجؤا للعباد دام رب العباد موجود
ربي يحقق لك وانتي وانتي وانتي وكل بنت ما بخاطرها
ودعواتكم الله يتتم أموري
شــمــ إنثى ـــوخ @shm_anth_okh_4
عضوة نشيطة
يلزم عليك تسجيل الدخول أولًا لكتابة تعليق.
الله يوفقك لما يحبه ويرضاه
ويفرحك بخيري الدنيا والاخره انتي ومن تحبين والمسلمين اجمعين
الدعاء مخ العبادة الله يتقبل منا ويرزقنا الاجابة ياكريم
ويفرحك بخيري الدنيا والاخره انتي ومن تحبين والمسلمين اجمعين
الدعاء مخ العبادة الله يتقبل منا ويرزقنا الاجابة ياكريم
الصفحة الأخيرة
الله يوفقلك في دراستك يارب
وتقبلي مروري
ودعواتك