بنات لا تزعلون مني!!!...شو رايكم نغير إسم المجلس العام!!!

أخواتي الغاليات قبل ما أبدأ كلامي أتمنى أن ولا وحدة فيكم تزعل مني لأنكم حبايبي وزعلكم مني

يكدرني...إذا اللي بكتبه فيه شيء غلط نبهوني كل إنسان على وجه الكرة الأرضية يخطأ وأنا ما نزلت هذا الموضوع إلا

عشان نرتقي بمجلسنا...

الصراحة من الهوشات والدعاوي على ولاة الأمر وسب الحكومات والحكام واللي تدخل الموضوع بس عشان تغير مساره

وتخربه لأنها تكره العضوة اللي منزلة الموضوع حتى لو كان الموضوع مفيد...فيه عضوات الصراحة ما أتوقع هذه المواقف

منهم إذا خلاص وصلت حدها وطفح بها الكيل هذا غير اللي تدعي على عضوة خالفتها بالرأي دعاوي اللهم يا كافي والله

حرام ياللي تدعين فيه ملك يقولك ولكِ بالمثل ...وأنتِ ياللي تدعين وتسبين راس مالك صحتك وأهلك وعيالك يعني الدعوة اللي

بتدعينها على أي عضوة اختلفتي معاها بالرأي حطي في بالك لكِ نصيب من هالدعوة!!!...ما شاء الله لا قوة إلا بالله كل

الأقسام هادية إلا المجلس العام...والشيء الأغرب أنكم مسوين مقاطعة لقنوات mbc ولكن إذا فيها خبر يسوي شوشرة أو

هوشة بين العضوات ركض تكتبه قبل لا تنام...خلونا نصفي النوايا، خلونا ننصح بالحسنى، خلونا نرد بأدب وما نشكك في

كلام أي عضوة...مثلاً عضوة ذكرت قصة واااقعية صارت لها طلعوا لها اللي تشكك بكلامها واللي تكذبها إذا إنتي ما

صدقتي قصة البنت مش لازم تردين برد يزعلها وما جزاء الإحسان إلا الإحسان يعني المسكينة منزلة تجربتها للي حابة

تستفيد إلا شوي ويطلعن لها خنافس النقد البناء وكيف هذا صار ومعقولة هذا صار وأسئلة بايخة ما لها داعي...بنات كل

كلمة تخطها يمينك تراها يا في ميزان حسناتك يا ميزان سيئاتك والقرار راجعلك يا صاحبة الرد...ما سألتوني شو الإسم

اللي خطر على بالي من القنابل اللي نحصلها في المجلس العام بس لا حد يزعل مني شو رايكم نسميه مجلس حروب

داحس والغبراء!!!!!...أتمنى نرتقي بالمواضيع اللي نزلها وبالردود اللي راح نتحاسب عليها...وسلااااامتكن...يا خوفي

الحين تكونون شايلين علي بهذا الموضوع وفي خواطركم ودكم تسوون هذا الشيء:024::024::024: