بنات لحقو علي تكفووووووون

السلام عليكم
بنات بدون مقدمات بقولكم السالفه لأن قربت انهار وياليت تساعدوني
زوجي كان قبل ثلاث ايام عنده زكاااام مره مطيحه وهو عنده ربو مزمن من يوم عمره خمس سنوات ودايم تعبااااااان المهم جاء اليوم الصبح مره مايقدر يتحرك وراح الدوام وجاء ماجلس الا ساعه ورجع وكان بالمره تعبان ويكح بقوه مايقدر يأخذ نفس ويقول احس اني مسخن والمسه انه مرررررره حار وقست حرارته الا وهي مرتفعه المهم جلس شوي ماقدر يتحمل راح المستشفى سوى تحاليل وعطوه ابره وغذايه طبعا بعد ماقالوله تنويم ورفض
طوال الوقت وهو نايم ومو راضي يكل جاء في المغرب الا هو مرررررررررررره مايقدر يجلس ولايصلي ولايتكلم والكحه زادت مره مره وقال بيدق على صاحبه يروحون المستشفى ويأخذ التحاليل مره وحده
راحو ودقيت عليه قبل شوي الا ويقولي لازم تنويم سألته وش طلع بالتحاليل قالي
( اشتباه انفلونزا خنازير)
بنات مدري صدق والا لا تتوقعون المرض باقي موجود والا يضحكون علينا يابنات انا بنهبل بموت الوسواس والقولون طقني
وقاعده ابكي من الخوف والمشكله انا بهالديره منقطعه عن العالم مالي احد لاقريب ولاصديق ياويل حالي بس انا وبنتي والشغاله ولاعمري نمت لحالي ولاجلست اصلا نص يوم بدونه ولا تعودنا على الوحده ابدا واغراض لبنتي مااااافيه
بنات تكفون ادعو معي مايكون صدق اقسم بالله مالي الا الله ثم انتو ادعو معي تكفون والله احس بيغمى علي
طلبتكم لا تتخلون عني